Vika Ya Handeka Mbimbiliya?
Vuno Njambi ue ku Kumbulula Vivundilo Viose ni?
VUNO MU HANDEKA NGUENU UE KU KUMBULULA VIVUNDILO . . .
Via vantu vose
Via vantu vamo
Ni ke ku vi kumbulula
MBIMBILIYA NGUAYO
“Yehova a li mu hiehi na vose . . . vaze va mu tambakana mu vusunga.”—Visamo 145:18.
VIKA VIKUAVO VI TU HASA KU LILONGESA MU MBIMBILIYA?
Njambi ke ku kumbulula vivundilo via vakua ku mu alulukila. (Isaya 1:15) Vunoni, va hasa “ku lisompa hamo” neni mu ku alulula vilinga viavo.—Isaya 1:18.
Linga civundilo ci hete kuli Njambi, ca pande ku litombola na cizango ceni ngue mu va muesa mu Mbimbiliya.—1 Yoano 5:14.
Vuno tua pande ku vundila mu cifua ca ku lifuila ni?
VAMO VA TSILIELAnguavo kasi va pande ku tsikama, ku kotama, ni ku pandakana hamo mavoko nga va vundila. Enu co vika mu singanika?
MBIMBILIYA NGUAYO
Njambi ua tavele vivundilo via vaze va ‘tumamene’ ni va “katukile” ni vaze va kele na ku “limbuetezieka” ni va “tsikamene.”(1 Mizimbu 17:16; 2 Mizimbu 30:27; Ezela 10:1; Vilinga 9:40) Ikeye ka tondele cifua cimo ca ku lifuila nga tu tonda ku vundila.
VIKA VIKUAVO TU HASA KU LILONGESA MU MBIMBILIYA?
Njambi ue ku halakana vivundilo via vakua ku likehesa.—Visamo 138:6.
Mu hasa ku vundila mu nkala lilimi ni mu mutima.—2 Mizimbu 6:32, 33; Nehemiya 2:1-6.
