Vika ya Handeka Mbimbiliya ku Tuala ha ku Uma Mutima?
Vuno Mbimbiliya i hasa ku mi kuasa ku lua na visoti ni?
Vati mu kumbulula?
Eyo
Houe
Halumo
Vi ya handeka Mbimbiliya
“Mbilenu cisoti cenu cose kuli ikeye [Njambi], muomu ikeye a mi lela.” (1 Petulu 5:7) Mbimbiliya ya hana vusunga ngecize Njambi a hasa ku mi kuasa ku tepulula ku lisosomua cenu.
Vika vikuavo vi tu hasa ku lilongesa mu Mbimbiliya?
Mu ku vundila, mu hasa ku uana “ciyulo ca Njambi” cize ce ku tepulula ku lisosomua.—Filipu 4:6, 7.
Cikuavo naua, ku tanda Lizi lia Njambi ci hasa ku mi kuasa ku tepulula cisoti ca mutima.—Mateo 11:28-30.
Vuno tangua ku uma mutima ci ka hua ni?
Vamo vantu va tsiliela nguavo . . . ku uma mutima na cihonda (stress) via pua viuma via kala vene mu muono, kaha vakuavo nguavo ku uma mutima ce ku tepuluka lika mu nima ya ku-tsa, mu muono ua mu civali. Enu co vika mue ku singaniekaho?
Vi ya handeka Mbimbiliya
Njambi a ka tundisako viose vie ku koka ku lisosomua. “Ku tsa ka ci ka kala naua; cipue ku-linienga na vusiua ka ci ka kala naua, cipue ku lila, cipue ku vavala.”—Ku-Solola 21:4.
Vika vikuavo vi tu hasa ku lilongesa mu Mbimbiliya?
Mu vu ka sika Vuangana vua Njambi, vantu va ka yoya mu ciyulo na ku lembama.—Isaya 32:18.
Ku lisosomua na cihonda tu ka vi suva.—Isaya 65:17.
