Njambi Iya?
Vantu vavengi ve ku handeka nguavo va tsiliela muli Njambi. Vunoni nga mu vehula nguenu: ‘Njambi iya’ muntu ku muntu a handeka vieni. Vamo nguavo, Njambi ua pua ngazi ua vutenu ua tonda lika ku hisa vakua vupi. Vakuavo co nguavo, Njambi ua sula ngozi na ku ecela ntsimbu yose, cipue va vulumune vati. Kaha hanga vamo nguavo Njambi ke ku tu singanieka cipue kavundende. Evi visinganieka via ku liseza-seza vie ku lingisa vavengi ku singanieka nguavo, ka va hasa ku tantekeya iya mpundu ua pua Njambi.
Vuno ca tondeka ku tantekeya Njambi ni? Eyo, Ku tantekeya vuino Njambi ci hasa ku mi kuasa ku tantekeya vutumbe vua muono na ku yoya mu ndzolela. (Vilinga 17:26-28) Omo mu suena kuli Njambi, neni a ka tualelelaho ku mi lema na ku mi kuasa. (Tiango 4:8) Cikuavo naua, ku tantekeya vusunga hali Njambi ci hasa ku tu tuala ku muono ua ya-ye.—Yoano 17:3.
Vati mu hasa ku tantekeya Njambi? Aci singaniekenu ha muntu u mu tantekeya vuino, ngeci mua kavusamba kenu. Vati vua putukile vusamba vuenu? Halumo ca katete mua tantekeyele lizina lieni, vuntu vueni, viuma via lema na viuma via zinda, via lingile ni vimo via tonda ku ka linga kaha na vikuavo naua via vingi. Evi vikevio via mi lingisile ku likuata neni vusamba—muomu mua mu tantekeyele vuino.
Netu naua tu hasa ku tantekeya Njambi mu ku hilula ha vihula evi:
Ovu Vutala va vu sonekela ku kumbulula evi vihula ku hitila mu Mbimbiliya. Vilongesa vi limo vi ka mi kuasa ku tantekeya iya Njambi na ku vezika ci mu ka uana, mu ku likuata vusamba neni.
Halumo mu Hasa ku Lema Naua Evi
VUTALA VUA KANIUNGI
Vuno Njambi ua Kala na Lizina Ni?
Mu tantekeya ngecize Njambi ua kala na lizina lia mu tepesa ku viose ni?
