Iya Mukua Mulonga?
Nga kati Njambi ue ku tu kokela tuyando, kaha iya ue ku tu kokela vuhutu, vindzita, mavezi, na viyovo via mavu via lana ngeci? Mbimbiliya lizi lia Njambi, ya solola viuma vitatu vie ku koka tuyando:
Lizangamena, Cipululu na Vizindo. “Muntu umo ali na mpoko kuli mukuavo mu ku lipihisa ivene.” (Ekelesiaste 8:9) Vantu vavengi ve ku mona lamba omo lia ku va yandesa ku vantu va ku hona ku tantuluka, va lizangamena na vukenia.
Ntsimbu na Luvinda vie ku tu Solokela. Vantu ve ku mona naua tuyando muomu ‘luvinda na ntsimbu vie ku solokela vose.’ (Ekelesiaste 9:11) Ni nguetu, ntsimbu imo muntu ku ndzimba a hasa ku kala haze ha solokela mponde ni halumo ku sevuka.
Muangana ua Mavu Mukua Vupi. Mbimbiliya ya solola iya mpundu kavikoka ua tuyando tua vantu. Nguayo: “Mavu ose a kundama kuli uze mukua vupi.” (1 Yoano 5:19) Ou “mukua vupi” uaco Satana Ndiavu, muntu ua sipilitu ua puile kangelo ka Njambi vunoni ‘ka manene mu vusunga’ (Yoano 8:44) Kua kele vakuavo tungelo va alulukilile Njambi linga va puisemo vizango via vipi, ngeci va pua honi vandemone. (Njenisisi 6:1-5) Tunde ha ku putuka ca vutozi vua Satana na vandemone veni, vilinga viavo via vukenia via sulu ha mavu. Kaha evi vie ku soloka cikuma ku matangua ano. Muomu Satana ali na vutenu vua kama kaha ali na “ku onga mavu ose,” ngeci mue ku iza “Cikele [ni ku vindama] ca mavu” (Ku-Solola 12:9, 12) Satana ua pua cikolonia ua vukenia. Ndzolela yeni ya pua ku mona vantu va yanda. Mukua ku tu kokela tuyando Satana kati Njambi.
ACI SINGANIEKENU: Omo lia ku pua Mukua vupi na ku zikua mutima, Satana ikeye lika a hasa ku kokela vantu tuyando. Vunoni mu ku litepa neni, Mbimbiliya nguayo: “Njambi ikeye cilemo.” (1 Yoano 4:8) Mu ku linga Njambi ua cilemo, “Ci li ku laako na Njambi, amba a linge vupi, Na Mukua Ngolo yose, mangana a linge vipi!”—Yombi 34:10.
Vunoni halumo, mu hasa ku lihula nguenu, ‘Ntsimbu ya ku pua kulihi Njambi a kecelela Satana ku tualelaho na vuangana vueni vua vukenia?’ Ngue mu tu na mono, Njambi ua zinda vupi vuose na tuyando tue ku tu solokela. Cikuavo naua, Lizi lieni Ngualio: “Mbilenu cisoti cenu cose kuli ikeye, muomu ikeye a mi lela.” (1 Petulu 5:7) Njambi ua tu lema kaha ua kala na ngolo ya ku fumisa tuyando tuose na vuhenge, ngue mu tu ka mona mu cimpande ci na hatako. *
^ cin. 7 Tantekeyenu via vingi ku tuala ha omo lia vika Njambi necelela tuyando, mu kapitulu 11 ka livulu Vika i Hasa ku tu Longesa Mbimbiliya? Li va tuhula Vakaleho va Yehova mu hasa ku li tupulula vuana ha internete mu www.pr418.com.
Halumo mu Hasa ku Lema Naua Evi
VUTALA VUA KANIUNGI
Vuovuno Njambi a ka Fumisako Tuyando Tuose
Vati tu hasa ku tantekeya ngecize Njambi vuovuno a ka manusula tuyando na vuhenge vuose?
