Nenu mu Hasa ku Tambula Vivezikiso via Ya-ye Kuli Njambi ua Cilemo
Nenu mua tonda ku ka yoyela mu mavu ka muesi vindzita, vukenia cipue liuayanga ni?
Vuno mua tonda ngecize cipue vene ku vavala, lamba na ku tsa navio vi ka tundeko ni?
Amba co ku lisosomua na kuma mutima, mua tonda navio linga kati vi ka kaleko ni?
Vuno mua tonda viyovo via mavu navio kati vi ka kaleko ni?
Njambi yetu ua cilemo, Sakatanga ua melu na mavu, ua kulahesa ku vezikisa vantu linga va ka yoye mu ciyulo na ndzolela mu miaka yose ya-ya-ye. Eci ka ca puile cilota ca ngoco, muono uaco ku u ka kala mpundu.
Mu vimpande vi na hatako tua mi lania mu hilule ha:
Vati Sakatanga uetu ue ku livua ku tuala ha vantu
Muzimbu uka ua tu hakela Njambi mu Mbimbiliya
Vika vapolofeto va Njambi va soluele ku tuala ha vivezikiso via tu kulahesa
Vi tu hasa ku linga mangana tu yoye mu ndzolela mu ntsimbu ino, kaha na ku ka tambula vivezikiso via ya-ye ku lutue
Ha katete tu ci hilulenu seho ya tu haka Sakatanga.
