Vika ya handeka Mbimbiliya?
Vuno vantu vakevo va tumbikile vulombelo ni?
VAMO VA TSILIELA NGUAVO vantu vakevo va tenda vulombelo; vakuavo ve ku singanieka nguavo Njambi ue ku pangesa vulombelo linga a kuase vantu va suene mu hiehi neni.
Enu co vati mue ku singaniekaho?
MBIMBILIYA NGUAYO
Kua kala “ku-lemesa ca ku lela, cize ka cesi na mazilo ku meso a Njambi ikeye Tatetu.” (Tiango 1:27) Eci ca muesa ngecize vulombelo vua ku lela, ni vua vusunga vua tunda kuli Njambi.
VIKA VIKUAVO VI TU HASA KU LILONGESA MU MBIMBILIYA?
Linga vulombelo vu vuise Njambi ndzolela, vua pande ku tundisa vilongesa viavuo mu vusunga vua mu Mbimbiliya.—Yoano 4:23, 24.
Malombelo eku kundamesa vilongesa viao ku visinganieka via vantu a pua a ngoco.—Mako 7:7, 8.
Vuno ca pua ca seho ku kala mu vumo vulombelo ni?
VATI MU KUMBULULA?
Eyo
Houe
Yanini
MBIMBILIYA NGUAYO
“Tu liyongolienu ha kati ketu linga tu sangumuke cilemo na vipanga via ku viuka; Kati tu likele ku likunguluila hamo.” (VaHevelu 10:24, 25) Njambi a tonda vakua ku mu lemesa va likungulule hamo mu ku pua civunga cimo.
VIKA VIKUAVO VI TU HASA KU LILONGESA MU MBIMBILIYA?
Vaze ve ku lemesa Njambi hamo lika va na pande ku likuata kumo mu lutsilielo.—1 Kolintu 1:10, 11.
Vose va kala ku mutamba ua vulombelo vua tava Njambi ve ku lipandaka ku pua civunga cimo lika na vana va naye mu mavu ose.—1 Petulu 2:17.
