Vika ya handeka Mbimbiliya?
Vuno ha mavu tangua ha ka kala ciyulo ni?
Vati mu kumbulula?
Eyo
Houe
Halumo
Vika ya handeka Mbimbiliya
Mu ku sika ca Yesu Kilistu, ku ka kala “ku-lana ca ciyulo, noho ngonde ka i ka kalay naua”—ni nguetu ku miaka yose.—Visamo 72:7.
Vika vikuavo tu hasa ku lilongesa mu Mbimbiliya?
Vakua vupi va ka va nongesa, linga vakua vuviuke ‘va ka viukilile mu ku-lana ca ciyulo.’—Visamo 37:10, 11.
Njambi a ka manusula vindzita viose.—Visamo 46:9.
Vuno citava mpundu ku kala na ciyulo mu mutima matangua ano ni?
Vamo vantu va tsiliela nguavo . . . ka citava ku uana ciyulo caco, muomu mavu kasi a na sulu tuyando na vuhenge. Enu co vati mue ku singaniekaho?
Vi ya handeka Mbimbiliya
Ambe mu matangua ano, vaze va likuata vusamba na Njambi va hasa ku kala na “ciyulo ca Njambi cize ca hiana mana ose.”—Filipu 4:6, 7.
Vika vikuavo tu hasa ku lilongesa mu Mbimbiliya?
Njambi ua kulahesa ku ka manusula tuyando na vuhenge, na ku ‘panga viuma viose via viha.’—Ku-Solola 21:4, 5.
Tu hasa ku uana ciyulo ca mu mutima nga tu “ivua lizi lia Njambi na ku li niunga.”—Luka 11:28.
