Eyo, ku kosa hamo lika ca ku hona vusunga vua kama vu va lingisamo, ca pua vukaleho vua kama vu muesa ngecize va na lingi vupangala. Ngeci mukemuo nga ka kuesi vusunga vua kama vu na va lingisamo, va na pande vene ku hita mu civunga ca vakua ku sompa.—1 Kolintu 6:18.

Civunga ca vakuluntu ca pande ku konka vuino nkala cimpande, va mone nga mpundu civunga ca vakua ku sompa ci tondeka. Vakuluntu va pande ku hilula ha vusunga ngeci mua: Vuno yala na mpuevo uaco vali na ku litantekeya ni? Vuno ntsimbu imo ku nima, vakuluntu va va mamuine ku tuala ha vilinga viavo nga va li vavali ni? Vika via va lingisa ku kosela mu ndzivo imo? Va na likuminyine laza ni? Kuli mumo mueka mu va ne ku lingile linga kati va kose mu ndzivo imo, ni va na hitile mu cisoti ca kama ci na tondekele vene ku kosa mu ndzivo imo? (Ekelesiaste 9:11) Kulihi va na kosele? Vunoni mu ku linga nkala cimpande ca lifuila, ku hasa ku kala vusunga vukuavo vu va hasa ku hilula vakuluntu ntsimbu kanda va hangule nga va yala na mpuevo uaco va pande ku hita mu civunga ca vakua ku sompa ni kuahi.

Mu nima ya ku hilula mizimbu yose, civunga ca vakuluntu ci ka hangula nga ci tumbika civunga ca vakua ku sompa ni kuahi.