Vuno mu Vuluka evi Vilongesa Ni?
Mu hasa ku kumbulula evi vihula via tuhuka mu maVutala a mu 2019 ni?
Vika ca lomboloka eci cikulaheso ca Njambi: “Citua na cimo cahi ca ku ku fulila ci ka vezika”? (Isaya 54:17)
Tu kalenu na vusunga ngecize Njambi a ka tu niunga ku vitozi vetu ngue “cinkumba ca vakua ku zuzuisa ci veta ngue luhundzi ku civumbe.” (Isa. 25:4, 5) Vitozi vetu ka va ka hasa ku tu nongesa.—w19.01, mafo 6-7.
Vati viuma via lingile Yehova kuli Vakua Kanana na kuli vaIsaleli va lisino via muesele vuoloke vueni?
Njambi ua hisile vaze va kele na ku limona na vampuevo na vanike ku ndzili. Ua vezikisile vaze va kele na ku mu ononoka na ku yoya na vakuavo mu vuoloke.—w19.02, mafo 22-23.
Vika tua pande ku linga nga muntu kati Mukaleho ua Yehova a vundila oku netu ha tuli?
Tua pande ku holoka na ku muesa kasingimiko vunoni ka tua pandele ku tava “ame” ni ku likuata na vantu ku mavoko. Tu hasa ku vundila mu mutima.—w19.03, lifo 31.
Ku limona na vanike ku mivila ca pua mulonga ni?
Ku limona na kanike ku muvila ca pua ku vulumuina kanike uaco, cikungulukilo, nguvulu na Njambi. Ku vihela kua kala lisiko lia ku zimbula ku nguvulu vakua ku linga vupi vuaco, vakuluntu ve ku ononoka lisiko liaco.—w19.05, lifo 9-10.
Vati mu hasa ku alulula ni ku tuala ku lutue cimbembesi ca mutima uenu?
Vinanga via seho via pua: Ku handeka na Yehova mu vivundilo. Ku lihilula enu vavene. Ku hangula vavusamba na mana.—w19.06, lifo 8-11.
Vati tu hasa ku livuahesela via ku tu luisa?
Tua pande ku kaniamesa vusamba vuetu na Yehova. Ku kala na vusunga ngecize na limo litangua a ka tu seza liahi. Ku tanda Mbimbiliya matangua ose, ku vundila matangua ose. Ku kala na vusunga ngecize Vuangana vua Njambi vuovuno vu ka neha vivezikiso. Ku patekela Visoneka vi mua lema na miaso.—w19.07, mafo 2-4.
Vati tu hasa ku kuasa vavusoko vuetu linga va kovoke?
Ca pua ca seho ku lihaka mu cihela ca vavusoko vuetu, ku ecelela vilinga vietu via cili vi va ambuluile, kaha na ku va muesa lukakatela na liano.—w19.08, mafo 15-17.
Vati cikulaheso ca Yesu ca ku Mateo 11:28 ce ku tu kuasa?
Tua kala na vakuluntu mu cikungulukilo va tu lema, vavusamba va cili cikuma kaha na cipanga ca hiana vikuavo viose.— w19.09, lifo 23.
Vati Njambi ue ku tu hana cizango na ndzili ya ku panga? (Filp. 2:13)
Omo tu tanda Lizi lia Njambi na ku lihilula, Njambi a ka tu hana ndzili na cizango ca ku linga cizango ceni. Sipilitu santu yeni i hasa ku hotola vutongue vuetu.—w19.10, lifo 21.
Vinanga vika tua pande ku puisamo ntsimbu kanda tu linge cihangula ca kama?
Vinanga vitanu via pua: Ku tondesesa vuino. Ku vundila mana. Ku hilula vika via mi lingisa ku linga cihangula. Ku kala na vutumbe mpundu. Na ku linga cose linga kati mu likuminie viuma ka mu hasa ku puisamo.—w19.11, mafo 27-29.
Vuno cilongesa ca muesa ngecize muono ka ue ku tsa ca tunda ku mezi a handekele Satana kuli Eva ni?
Halumo kuahi. Satana ka lekele Eva ngueni nga a lia ku vusuka a ka soloka lika ngue natsi vunoni cimo cuma ka ci tava ku mona cika tunda hali ikeye na ku tualelelaho ku yoya, houe. Na cimo cilongesa ca makuli covokele ku Livazi cahi. Vakua ku tunga Mbambele vakevo va putukile cilongesa ca muono ka ue ku tsa na ku lisanduoka naco.—w19.12, lifo 15