Mua vusunga, kati ca casi ku vuluka vi tue ku lilongesa. Vunoni ca casi ku vuluka via kele na ku longesa Yesu, muomu ua kele na ku pangesa vimueso. Omo liaco, tue ku hasa ku hilula na ku vuluka vi tua lilongesa. Na vuno vene, tue ku hasa ku vuluka viuma via vingi vi tue ku lilongesa nga tu vi hilula. Vati tu hasa ku lingamo? Mu ku sona vikupulo ha ntsimbu ya ku lilongesa.

Vantu ve ku sona vikupulo via viuma via viha vi va na lilongesa, ve ku hasa ku vi vuluka vuino. Ku lingamo ka vie ku va kuasa ku vuluka lika mezi, vunoni na vintsina via seho vi va na lilongesa. Vikupulo viaco ka ci tondeka vipue via ku vuaha cikuma, vunoni via viasi ku vivuisisa. Ku sona vikupulo vie ku kuasa cikumakuma vakulupe ku vuluka vi ve ku lilongesa.

Ntsimbu yeka i mu lilongesa, esekenu ku sona vimo vikupulo via viuma vi mua lilongesa. Nga mu lingamo, mu ka likomokela cikuma viuma vi mu ka vuluka.