CILONGESA 5
Ku Kunguluka Ntsimbu Yose ce ku Muesa Vika Hali Yetu
‘Ambululenu kutsa ca Muangana noho a keza.’—1 KOLI. 11:26.
MUASO 18 Ku Santsela ku Vuana vua Cikombelo
VI TU LILONGESAMO *
1-2. (a) Vika ue ku mona Yehova omo vantu vavengi ve ku likungulula ku Mulalelo? (Talenu cikupulo ci li helu lia vuno Vutala.) (b) Vika tu lilongesa mu cilongesa cino?
ACI SINGANIEKENU vie ku mona Yehova omo makulukazi a vantu ve ku likungulula mu mavu ose ku Mulalelo ua Muangana. Ke ku mona lika mbunga; ue ku tala muntu ku muntu. Ue ku mona uose uze ue ku lihakela kapandi ka ku iza muaka ku muaka. Kaha ha kati kavo vamo ve ku iza vutuhu veku va luisa cikuma. Vakuavo co ve ku iza lika ku Mulalelo muomu ve ku mona nguavo ku lingamo ca pua kapandi kavo, vunoni ka ve ku iza ku viuano via mu simano. Yehova ue ku mona naua vaze ve ku iza ku Mulalelo lua katete, na vutumbe vua ku iza lika mu ku talako.
2 Mua vusunga, Yehova ue ku ivua ndzolela ya kama mu ku mona ngecize vavengi ve ku iza ku Mulalelo. (Luka 22:19) Vunoni, Yehova ke ku tala cikuma ku ku lana ca vantu ve ku izako. Vunoni ue ku tala ku vutumbe vue ku va neha. Mu cilongesa cino tu simutuila ha cihula ca seho ya kama cikuma: Vika ka tue ku kungulukila lika lumo lika mu muaka ku Mulalelo, vunoni tue ku kunguluka naua ku viuano via mu simano?
(Talenu vinanga 1-2) *
KU LIKEHESA CE KU TU LINGISA KU KUNGULUKA
3-4. (a) Vika tue ku kungulukila? (b) Ku kunguluka ntsimbu yose ce ku muesa vika hali yetu? (c) Ku liya na vi ya handeka 1 Kolintu 11:23-26 omo lia vika ka tua pandele ku likela ku ya ku Mulalelo?
3 Vutumbe vua katete vue ku tu lingisa ku kunguluka nkala simano vua pua muomu ku lingamo ca pua mutamba ua ku lemesa cetu. Cikuavo naua tue kuyako muomu kukekuo kue ku tu longesela Yehova. Vakua ku lihalesa ka va lemene ku lihaka muintsi lia vakuavo va va longese. (3 Yoa. 9) Vunoni etu, ka tua fuilemo, tua lema ku tu longesa kuli Yehova na ku lukungulukilo lueni.—Isaya 30:20; Yoa. 6:45.
4 Ku kunguluka ntsimbu yose ce ku lekesa ngecize tu vantu va ku likehesa—kaha tua liviukisila na ku tava ku tu longesa. Kaha tue kuya ku Mulalelo ua ku-tsa ca Yesu, kati lika omo lia ku pua kapandi ketu, vunoni naua muomu tua tonda ku ononoka eli lisiko lia Yesu: “Lingenu ngecize mu ku nji vuluka ange.” (Tandenu 1 Kolintu 11:23-26.) Ciuano caco ce ku kaniamesa lulavelelo luetu lua ku lutue na ku tu vuluisa vukama vua cilemo ca Yehova kuli yetu. Vunoni Yehova a tantekeya ngecize tua tondeka ku tu kaniamesa na ku tu simpisa kati lika lumo lika mu muaka houe. Ngeci ue ku tu viukisila viuano nkala simano kaha ua tu mamuna kuyako. Ku likehesa ce ku tu sindiya ku ononoka. Nkala simano tue ku nonako vimo viola via ku liviukisila viuano na kuya ku viuano viaco.
5. Omo lia vika vakua ku likehesa ve ku tava cilanio ca ku va longesa kuli Yehova?
5 Nkala muaka, vakua ku likehesa vavengi ve ku tava cilanio ca ku va longesa kuli Yehova. (Isaya 50:4) Ve ku lema Mulalelo, kaha mu nima yaco ve ku putuka ku iza na ku viuano vikuavo. (Zak. 8:20-23) Hamo lika navo, tue ku viukilila ku tu longesa kuli Yehova, uze ua pua “ku-kuasa [cetu] na muovole [uetu].” (Visa. 40:17) Nga tu talaho vuino, vuno kuli cuma ca tovala ni ca hiana seho ku tuvakana ku tu longesa kuli Yehova na Yesu ni?—Mat. 17:5; 18:20; 28:20.
6. Vati ku likehesa ca kuasele umo yala kuya ku Mulalelo?
6 Nkala muaka, tue ku lihakela kapandi ka ku lania vose va tu hasa veze ku ciuano ca Mulalelo ua ku-tsa ca Yesu. Cingi ca vakua ku likehesa va uana vukuasi mu ku tava cilanio cetu. Mu njila ika? Halakanenu muzimbu ua umo yala. Miaka ya yingi ku nima, umo muanetu ua hanene cilanio ca Mulalelo kuli umo yala, vunoni ikeye ua lekele muanetu ngueni ka ka hasa ku yako. Vunoni ha litangua lia Mulalelo muanetu ua komokele ku mona yala uze ali na ku kovela mu Ndzivo ya Vuangana. Yala uaco ua lemene cikuma cifua ci va mu tambuluilemo ngeci ua putukile ku iza honi na ku viuano vietu via mu simano. Mu muaka ua hateleko, ua kungulukile ku viuano viose, vitatu lika via mu hitile. Vika via mu lingisile ku kunguluka ku viuano viose? Ua puile ua ku konkama ngeci ua aluluile visinganieka vieni. Uze muanetu ua mu laniane ua handekele ngueni: “Yala uaco ua pua ua ku likehesa cikuma.” Lelo lino ua pua honi muanetu ua ku mbatiza. Mua vusunga, Yehova ikeye mpundu ua mu laniene eze mu vusunga.—2Sam. 22:28; Yoa. 6:44.
7. Vati viuma vi tue ku lilongesa ku viuano na mu ku tanda Mbimbiliya vie ku tu kuasa ku pua va ku likehesa?
7 Vi tue ku lilongesa ku viuano na vize vi tue ku tanda mu Mbimbiliya vi hasa ku tu kuasa ku pua va ku likehesa. Mu visimano vie ku kokela ku Mulalelo, viuano vietu vie ku handeka cikuma ha lungano lua Yesu na ku likehesa ca muesele mu ku hana muono ueni mu ku tu tsila. Kaha mu kue ku lisupa matangua, ve ku tu mamuna ku tanda mizimbu ya lombolola via ku-tsa na ku sanguka ceni. Vi tue ku lilongesa ku viuano na vize vi tue ku tanda mu Mbimbiliya vie ku vueza ku seho i tua haka ku cikombelo ca tu lingilile Yesu. Kaha tue ku ivua ntsindiye ya ku likehesa na ku linga cizango ca Yehova, ambe ha vintsimbu vi ce ku tu kaluuila.—Luka 22:41, 42.
KU SIMPA CE KU TU KUASA KU KUNGULUKA
8. Vati Yesu ua muesele ku simpa?
8 Kaha tue ku tonda naua ku tambuluisa ku simpa ca Yesu. Aci singaniekenu ha ku Mat. 20:17-19.) Vutuhu ngoco ua tavele ku lihana va mu hitise viose evi. Mu ya hetele ntsimbu ya ku mu tsiha Yesu, ua lekele Vandongesi veni va kua lutsilielo ngueni “hindukenu, tatiyenu: talenu, mukua ku nji enda vungungu a li mu hiehi.” (Mat. 26:36, 46) Kaha omo civunga ca vantu vezile na vitua mu ku mu kuata, ua suenene kuli vakevo na ku lisolola kaha ua va lekele vecele vapostolo veni. (Yoa. 18:3-8) Mua vusunga ua muesele ku simpa ca kama! Lelo lino, Vakua Kilistu va ku vuavesa na vakua civunga ca vampanga veka ve ku lihakela kapandi ka ku muesa ku simpa. Mu njila ika?
simpa ca muesele tele kua lisupu matangua a andende ku ku-tsa ceni. Ua tantekeyele vuino ngecize vuovuno vitozi veni va ka mu yandesa, ku mu tingula, na ku mu tsiha. (Kapandi ka mue ku lihakela mu ku kunguluka ntsimbu yose ke ku kaniamesa vakuenu (Talenu cinanga 9) *
9. (a) Omo lia vika ku kunguluka ntsimbu yose ce ku tondeka ku simpa? (b) Vati lungano luetu lue ku kuata kuli vamuanetu vali mu tumenga?
9 Vintsimbu vimo ce ku tondeka ku simpa linga tu tualelelaho ku kunguluka ntsimbu yose nga tuli mu visoti. Vamo vamuanetu ve ku tualelelaho ku kunguluka vutuhu va tsisa vavusoko, vusiua na mavezi a akalu. Vakuavo ve ku tualelelaho ku kunguluka vutuhu ve ku va luisa cikuma ku vavusoko vuavo ni ku vanguvulu. Aci singaniekenu ha vati lungano luetu lue ku kaniamesa vamuanetu vali mu tumenga omo lia lutsilielo luavo. (VaHe. 13:3) Mu ve ku ivua ngecize tuli na ku kunguluka ntsimbu yose vutuhu tue ku hita mu vieseko, ce ku va kaniamesa va tualelelaho ku muesa lutsilielo, ku simpa na ku pua vakua vuoloke. Kapostolo Paulu neni ua hitilemo. Mua kele mu kamenga ku Loma, ua vuile ndzolela mua vuile ngecize vamuanaye va li na ku tualelelaho ku pangela Njambi. (Filp. 1:3-5, 12-14) Citava mu kua lisupile ntsimbu ya indende linga a tuhuke mu kamenga ni mu nima ya ku tuhuka vene, Paulu ua sonekele mukanda kuli vaHevelu. Mu mukanda uaco ua mamuine Vakua Kilistu linga ‘cilemo cavo ku vamuanaye ci tualeleleho.’Kaha kati va likele ku likungulula.—VaHe. 10:24, 25; 13:1.
10-11. (a) Iya tua pande ku lania ku Mulalelo?(b) Vusunga vuka vu tu uana ku Efeso 1:7 vu hasa ku tu lingisamo?
10 Tue ku muesa ku simpa nga tu lania vavusoko, vakuetu ku vipanga, na vantu va tua lihata navo ku Mulalelo. Vika tue ku va laniena? Muomu tua viukilila cikuma omo lia viuma via tu lingila Yehova na Yesu ngeci ka tue ku hasa ku vi holoka. Tue ku tonda va tantekeye vati va hasa ku uana vukuasi ku “vufuko vua kavumbi” ka Yehova ku hitila mu cikombelo.—Tandenu Efeso 1:7; Ku-So. 22:17.
11 Mu tue ku likungulula hamo na ku simpa cose, tue ku muesa naua cifua cikuavo, cize ce ku muesa Njambi na Muaneni mu vinjila via ku lifuila.
CILEMO CE KU TU SINDIYA KU KUNGULUKA
12. (a) Vati viuano vie ku vueza ku cilemo ci tue ku vuila Yehova na Yesu? (b) Vati 2 Kolintu 5:14, 15 ue ku tu kaniamesa ku tambuluisa Yesu?
12 Ku lema Yehova na Yesu ce ku tu sindiya Loma 5:8) Cikumakuma ciuano ca Mulalelo ce ku tu vuluisa vukama vua cilemo cavo, ci pue kuli vaze vene kanda va ci tantekeye seho ya cikombelo. Na ku santsela cose, tue ku lihakela kapandi ka ku tambuluisa Yesu mu ku yoya cetu nkala litangua. (Tandenu 2 Kolintu 5:14, 15.) Mu ku vuezako, mitima yetu ye ku tu sambeya ku sangala Yehova omo lia ku tu hana cikombelo. Imo ya vinjila vi tu hasa ku sangalelamo Yehova ya pua mu ku hana vikumbululo na mutima uose ku viuano.
ku kunguluka. Kaha vize vi tue ku lilongesa ku viuano viaco vie ku kaniamesa cilemo ci tua kala naco kuli Yehova na Yesu. Viuano vie ku tu vuluisa ku sua kumo cilemo ci va tu muesa kuli Yehova na Yesu. (13. Vati tu hasa ku muesa vukama vua cilemo ci tue ku vuila Yehova na Muaneni? Lombololenu.
13 Tue ku muesa vukama vua cilemo ci tue ku vuila Yehova na Yesu mu ku tava ku likela viose-ovio omo liavo. Vintsimbu via vingi tue ku seza viuma via ku liseza-seza linga tu hase ku likungulula. Mu vikungulukilo via vingi, ciuano ca mu kati ka simano ce ku kalako ku cinguezi omo cingi cetu tua kala ha vipanga tu na zeye. Kaha ciuano cikuavo ce ku kalako ku ku-hua ca visimano, omo vantu veka vali na ku huima. Vuno Yehova ue ku mona kapandi kose ka tue ku lihakela linga tuye ku viuano, vutuhu tue ku zeya ni? Eyo ue ku ka mona! Mua vusunga, ua haka seho ya kama ku cilemo ci tue ku mu muesa, cikuma-kuma nga tue ku lua cikuma amba tu hase ku kunguluka.—Mako 12:41-44.
14. Vati Yesu ua sile lungano mu ku muesa cilemo ca ku lihana?
14 Yesu ua tu sila lungano mu ku muesa cilemo ca ku lihana. Ka tavele lika ku tsila vandongesi veni vunoni ua tavele naua ku tuameka vizango viavo ku lutue lua vieni nkala litangua. Ca ku muenako, ua kele na ku likungulula na vakua ku mu kava cipue ha vintsimbu via zeyele ku muvila ni via kele na ku pinda na cimo cisoti mu visinganieka. (Luka 22:39-46) Kaha ua tualele mana ku vize via hasele ku hana vakuavo, kati ku vize via hasele ku tambula ku vakuavo. (Mat. 20:28) Omo cilemo cetu kuli Yehova na ku vamuanetu ci ka kola ngue ca Yesu, tu ka linga cose mu ku kunguluka kati lika ku Mulalelo vunoni na ku viuano via cikungulukilo viose.
15. Iya tue ku tonda cikuma ku kuasa?
Ngal. 6:10) Tue ku muesa cilemo cetu kuli vakevo mu ku va kaniamesa va pue na ku kunguluka, cikumakuma ku Mulalelo. Ngeci mua Yehova na Yesu, tue ku ivua ndzolela ya kama nga umo ua zeyele a hiluka kuli Yehova, Tatetu na Kaniungi ketu ua Cilemo.—Mat. 18:14.
15 Tua pua mutamba ua civunga ca Vakua Kilistu va vusunga mu mavu ose, kaha tua lema ku pangesa ntsimbu ya kama mu ku longesa vakuetu navo va lipandakane netu. Vunoni tua tonda cikuma ku kuasa “vaze va na pandama ku vusoko vua ku tsiliela” vunoni va zeya mu lutsilielo. (16. (a) Vati tu hasa ku likaniamesa umo na mukuavo, kaha vati viuano vietu vi ka tu kuasa? (b) Omo lia vika ino ikeyo ntsimbu ya cili mu muaka ya ku vuluka mezi a Yesu a ku Yoano 3:16?
16 Mu visimano vi ka hata ku Mulalelo ua Lia mu Citanu, 19 ya Abril ya 2019, yenu mu ka lanie vose va mu ka hasa va keze mu ku likungulula netu. (Talenu cikasa “ Mu ka va Lania Ni?”) Mu muaka uizaho uose, tuyenu tu ka likaniamese umo na mukuavo ku tualelelaho ku kunguluka ku viuano viose vie ku tu viukisila Yehova. Omo ano mavu aya na ku suena ku ku nonga, tua tondeka viuano vietu linga vi tu kuase ku tualelelaho ku likehesa, ku simpa na ku muesa cilemo. (1 Tes. 5:8-11) Tu muesenu na mutima uose, vati tue ku vuila Yehova na Yesu omo lia cilemo ci va tu vuisa.—Tandenu Yoano 3:16.
MUASO 126 Vingilenu, Likolesienu, Puenu Vamala
^ cin. 5 Mulalelo ua Ku-tsa ca Kilistu u ka kalako Lia mu Citanu ku cinguezi, lia 19 ya Abril ya 2019, ukeuo u ka pua ciuano ca seho ya kama mu muaka uose. Vika vie ku tu lingisa kuya ku ciuano caco? Mua vusunga vieka viahi, tue ku yako muomu tua tonda kuya Yehova ku mutima. Mu cilongesa cino, tu ka simutuila vika tue ku muesa mu ku kunguluka ku Mulalelo kaha na ku viuano vietu via mu kati ka simano.
^ cin. 50 CIKUPULO CA HELU: Ku Santsela ku Vuana vua Cikombelo
^ cin. 52 VI LI HA VIKUPULO: Umo muanetu ali mu kamenga omo lia lutsilielo lueni na tambula mukanda ua ku ndzivo u na mu kaniamesa. Ku tantekeya ngecize ka va mu suvile, kaha na viukilila ku tambula muzimbu ngecize vusoko vueni vuli na ku tualelelaho ku kakatela kuli Yehova vutuhu kuimbo kuli ndzita.