Via Cili na Via Vipi: Cimo Cihangula ci Mua Pande ku Linga
Vitume vi tue ku hangula ku kava mu muono, vi hasa ku kuata ku muono uetu. Yehova Njambi neni a tantekeyamo. Ngeci mukemuo, ua tonda tu yoye muaya vitume viendi.
Yehova ua tonda tu yoye muono ua ndzolela kaha ua ciyulo.
“Mu a li ku handeka Yehova, Nkuli yove, Mukua Ku Lela ua Isaleli ngueni: Ange nji Yehova Njambi yove, Uze a ku longesa vize vi silivila, Uze a ku tuamena mu njila ize ya ku pande. A nga ua tavele ku halakana masiko ange! Nga ciyulo cove ca puile ngue ndonga, Na vuviuke vuove ngue mancimpa a kalunga.”—Isaya 48:17, 18.
Mu ku pua Sakatanga uetu, Njambi a tantekeya cifua ca muono uka tua pande ku kala nauo. Ikeye ua tonda tu ononoke vitume viendi, muomu vi hasa ku tu kuasa. Kaha nga tu ononoka masiko endi, ka ci ka tondeka naua ku lihula nga cihangula ci tu na lingi capua ca cili ni kuahi. Cikuavo naua, vitume via Njambi vi ka tu kuasa ku linga vihangula via cili ntsimbu yose. Muomu ku lingamo ci ka tu vuisa ndzolela na ciyulo.
Yehova ke ku tu pinga ku linga viuma via vikalu.
Muomu lisiko eli li nji ku ku sika ha litangua lia lelo, ka lia ku kaluuilile, cipue ka liesi ku laako.”—Ndeutelonomi 30:11.
1 Yoano 5:3.
Ku yoya muaya vitume via Njambi, ca tondeka ku alulula cifua ci tue ku singaniekelamo na vilinga vietu. Vunoni Yehova ke ku lavelela via vingi kuli yetu. Muomu mu ku pua Sakatanga uetu, a tantekeya ha lenga ndzili yetu. Kaha omo tuya na ku mu tantekeya, tu ka nongonona ngecize ‘masiko eni kati a akalu.’—Yehova ua kulahesa ku kuasa vose va hangula ku yoya muaya vitume viendi.
“Muomu yange, Yehova Njambi yove, Nji ka kuata livoko liove lia cilio, Na ku handeka nove nguange, Kati u ivue vuoma; Nji ka ku kuasa.”—Isaya 41:13.
Nga tu yoya muaya vitume via Njambi, ikeye a ka tu kuasa. Cikuavo naua, a hasa ku tu kuasa ku yoya muaya Lizi liendi Mbimbiliya, muomu lie ku tu kaniamesa na ku tu hana lulavelelo
Makulukazi a vantu mu mavu ose, va hangula ku yoya muaya vitume via mu Mbimbiliya, va kala honi na muono ua cili. Ngeci mukemuo, tantekeyenu vikuavo ku tuala ha vitume via mu Mbimbiliya. Ca ku muenako, citava mu putuke ku lilongesa mukanda Yoyenu mu Ndzolela ku Miaka Yose! mu hasa ku uana mu jw.org. Mu mu kanda uaco muli evi vilongesa:
-
Vati Mbimbiliya i Hasa ku mi Kuasa?
-
Mbimbiliya ye ku Hana Lulavelelo
-
Citava mu Kulahele Mbimbiliya Ni?
Nga mu lilongesa Mbimbiliya mua ku lova, mu ka nongonona ngecize kasi ya kala na seho lelo lino ni nguetu “va na zi tumbika ku miaka yose ya ya-ye.” (Visamo 111:8) Ku kava vitume via mu Mbimbiliya, ya pua imo njila ya cili i tua pande ku ambateselamo muono uetu. Vunoni, Njambi ke ku tu sindiya ku mu ononoka. (Ndeutelonomi 30:19, 20; Yehosua 24:15) Ku tsiha mpanga, ku ononoka vitume via Njambi ca pua cihangula cetu.