CIMPANDE CA HELU
Nga tu Tsisa Muntu u Tua Lema
“Njambi lika a vi tantekeya, nana. . . . kati . . . u . . . lile.”
Aa mezi va a yevetelele mu lituitui lia umo mpuevo ua lizina Bebe, mu va kele na ku tsinda ise ua tsile ku mponde ya likalu.
Bebe ua kele na vusamba vua kama na va ise. Kaha aze mezi a mu lembeziekele nao, uze ka vusamba ua mpuevo, a mu vavalele cikuma ha mutima. ntsimbu yose ua kele na ku linienga ngueni, “tata ua tsile mua ku pihia.” Mu ku hita ca miaka, omo ua sonekele via solokele mu livulu, ua muesele ngecize kasi ua kele mu vusiua.
Ngeci mua viuma via muene Bebe, mue ku hita ntsimbu ya kama linga vusiua vu tepuluke, cikumakuma nga tua tsisa muntu u tua lema. Mbimbiliya nguayo ku-tsa ca pua “citozi ua ku sulumuinako.” (1 Kolintu 15:26) Ce ku heta ha ndzivo na ngolo ya kama, mu ntsimbu ka tua liviukisilile, na ku tu punda vantu va tua lema cikuma. Tu vose tue ku hitamo. Ngeci ka ce ku tu komouesa mu tue ku hona via ku linga, ha ku-tsa ca muntu u tua lema na vusiua vue ku izamo.
Mue ku lihula nga: ‘Ntsimbu ingahi vusiua vue ku isuala? Vati muntu a hasa ku lua na vusiua? Vati nji hasa ku lembezieka mukua ku tsisa? Vuno tangua tu ka mona vaze va tua lema va tsa ni?’
Halumo mu Hasa ku Lema Naua Evi
VUTALA VUA KANIUNGI (VUA KU LILONGESA)
Ku Linienga ca Pua Vuhenge Ni?
Vati co nga vakuenu va mi paya omo lia cifua ci mue ku liniengelamo?
