Vika ya handeka Mbimbiliya?
Vuno tangua ha mavu ha ka kala vuoloke ni?
Vati mu kumbulula?
Eyo
Houe
Halumo
Mbimbiliya nguayo
“Nja tantekeya ngecize Yehova a ka hakuila lizi lia mukua ku yanda, Na ku linga vuoloke kuli mukua ku zela.” (Visamo 140:12) Vuangana vua Njambi vu ka neha vuoloke vua vusunga ha mavu.
Vika vikuavo tu hasa ku lilongesa mu Mbimbiliya?
Njambi ue ku mona vuhenge vua ano mavu, kaha tangua a ka vu sungamesa.
—Ekelesiaste 5:8. Vuoloke vua Njambi vu ka neha ciyulo na ku-holoka ca vuviuke ha mavu.
—Isaya 32:16-18.
Vuno Njambi ua lema cimo civunga ca vantu ku hiana vakuavo ni?
Vamo ve ku singanieka nguavo
Njambi ue ku vezikisa vimo vivunga via vantu na ku singa vikuavo, vakuavo nguavo kuli Njambi vantu vose va pua hamo lika. Enuco vati mue ku singaniekaho?
Mbimbiliya nguayo
“Njambi ka hangula ku vantu: Vunoni ku miyati yose, ou uose a mu vuila vuoma, kaha a linga vuviuke, ikeye ya na tava.” (Vilinga 10:34, 35) Kuli Njambi vantu vose va pua hamo lika.
Vika vikuavo tu hasa ku lilongesa mu Mbimbiliya?
Mbimbiliya ya kala na “zimpande zia cili” zia ku “vifuti viose, na miyati yose na malimi ose na vantu vose.”
—Ku-Solola 14:6.
