Ku vantu vavengi cilindakano cendela kumo na vulombelo vua Vakua Kilistu. Vutuhu Vakaleho va Yehova va pua Vakua Kilisitu, ka tue ku pangesa cilindakano mu ku lemesa cetu. Omo lia vika?

Kua kala vusunga vua Mbimbiliya vu muesa ngecize Yesu ka tsililile ha cilindakano vunoni ua tsililile ha muti. Cikuavo naua Mbimbiliya ya tu leka ku tina “ku lemesa mahamba,” ci hasa naua ku lomboloka ku viana ku pangesa cilindakano.—1 Kolintu 10:14; 1 Yoano 5:21.

Yesu ua handekele ngueni: “Hakeho vose va ka tantekeya ngecize mu vandongesi vange, nga mu lilema umo na mukuavo” (Yoano 13:34, 35) Mua vusunga mu ku handeka aa mezi Yesu ua muesele ngecize cilemo ca vusunga—cikeco ce ku soluele vandongesi veni va vusunga—kati cilindakano ni nkala cuma.