Houe. Vakaleho va Yehova va tsiliela ngecize Njambi ua tangele viuma viose. Vunoni ka tua tsilielele ngecize melu na mavu va vi tangele mu matangua 7 mpundu. Omo lia vika? Muomu visinganieka viaco ka via litombuele na Mbimbiliya. Aci talenu vi na hatako:

1. Viola vi ambatele matangua 6 a ku tanga. Vamo va tsiliela nguavo mavu va a tangele mu matangua atanu na limo mpundu. Vunoni lizi “litangua” mu Mbimbiliya liemanenene ntsimbu ya kama cikuma.—Njenisisi 2:4; Visamo 90:4.

2. Miaka ya mavu. Vamo va tsiliela nguavo mavu va a tangele mu matangua atanu na limo mpundu ve ku longesa nguavo mavu a kala lika na makulukazi a andende a miaka. Vunoni ku liya na Mbimbiliya, mavu a keleko ntsimbu kanda a hete matangua atanu na avali a ku tanga viuma.(Njenisisi 1:1) Ngeci mukemuo, Vakaleho va Yehova ka ve ku viana mizimbu i ve ku tondesesa vakua siensia ya muesa ngecize mavu a kala na makulukazi na makulukazi a miaka fume ha va a tangela.

Vutuhu Vakaleho va Yehova va tsiliela mu via ku tanga, ka tue ku luisa siensia. Tua tsiliela ngecize siensia ya vusunga ya litombola na Mbimbiliya.