Omo lia Vakaleho va Yehova ka ve ku Sanena Vihela vi ve ku Lemesela Nguavo Igreja?
Mu Mbimbiliya, lizi lia ciNgelengu li va langulula “igreja” vintsimbu vimo liemanena civunga ca vakua ku lemesa, kati ndzivo i ve ku likunguluila.
Ca ku muenako: Omo kapostolo Paulu ua sonekelele Vakua Kilistu va mu Loma, ua hinduisile Akuila na Pilisila, kaha ua vuezeleko ngueni: “Hinduisenuko mbunga ya kala mu ndzivo yavo.” (Loma 16:5, Mbimbiliya ya Yasi ku Tanda) Paulu ka tumine mitende yeni ku civumbe ca ndzivo, houe. Vunoni ku vantu—va kele na ku likunguluila mu ndzivo ize. a
Ngeci mukemuo, tue ku tumbula cihela ci tue ku lemesela “Ndzivo ya Vuangana,” kati igreja.
Omo lia vika mue sanena cihela ci mue ku lemesela “Ndzivo ya Vuangana ya Vakaleho va Yehova”?
Lizina liaco lia fuila omo lia vusunga vu na hatako:
Muomu ya pua cihela ca ku likunguluila
Tue ku likungulula mu ku lemesa Yehova, Njambi u va tumbula mu Mbimbiliya na ku ambulula vukaleho ku tuala hali ikeye.—Visamo 83:18; Isaya 43:12.
Tue ku likungulula naua mu ku lilongesa via Vuangana vua Njambi vuze vua longesele Yesu ntsimbu yose.—Mateo 6:9, 10; 24:14; Luka 4:43.
Tua mi lania ku meneka Ndzivo yetu ya Vuangana ya kala mu hiehi nenu mua ku mone vati Vakaleho va Yehova ve ku endesa viuano viavo.
a Mezi aco a soloka naua ku 1 Kolintu 16:19; Filemone 2.
Halumo mu Hasa ku Lema Naua Evi
VIHULA VI VE KU LINGA CIKUMA VANTU
Vati vie ku Panga Vikungulukilo via Vakaleho va Yehova
Tantekeyenu vati tue ku tambula vimamuna na vitume.
YETU VEYA
Viuano via Vakaleho va Yehova
Tantekeyenu kulihi tue ku kungulukila na vati tue ku lingamo. Uose a tonda citava a kunguluke kaha ka ve ku fuetesa.