Houe, kuahi. Vakaleho va Yehova va pua vakua Kilistu ve ku tundisa vilongesa viavo mu Mbimbiliya. Vutuhu malombelo amo eku longesa nguao ku lipandakana ca vaYundeya mu Palestina va ci tumbula mu vupolofeto, Vakaleho va Yehova ka ve ku hakuila vilongesa viaco. Ka va tsilielele ngecize ku likulisa ca pulitika va ci tumbula mpundu mu Mbimbiliya. Mua vusunga, Mbimbiliya ka ye ku hakuila na imo nguvulu ya vantu yahi ni cimo civunga ca vantu ku hiana cikuavo. Vutala vua Kaniungi, mukanda u ve ku tuhula Vakaleho va Yehova ua muesa ngecize: “Ka kua kele mukanda ua Mbimbiliya ua hakuila pulitika ya vulombelo vua vaYundeya.”

 Encyclopædia Britannica ya lombolola vulombelo vua vaYundeya ngecize ca pua “civunga ci va tendele vaYundeya ca kele na vutumbe vua ku hakuila vuangana vua vaYundeya mu Palestina.” Vulombelo vuaco vua lipandakanene na vakua pulitika. Vakaleho va Yehova ka ve ku hakuila vilongesa via vaYundeya, ni cipue ku likovelesa mu via pulitika.

 Lukungulukilo lua Vakaleho va Yehova ka lue ku hakuila pulitika ni cipue vulombelo vua vaYundeya. Omo lia ku hona ku lihaka mu via mavu ni via pulitika , Vakaleho va Yehova ve ku va yandesa ku vifuti vimo. Tuli na vusunga ngecize Vuangana vua Njambi lika vu ka neha viyulo va ku miaka yose ha mavu; ka kuesi cimo civunga ni nguvulu i hasa ku vi puisamo.

 Kuose ku va kala Vakaleho va Yehova, ve ku ononoka ku masiko a nguvulu. Ka ve ku luisa ni ku likovelesa mu vivunga via liuayanga houe.