Tua mono ngecize cingi ca vantu va kala laza na vulombelo vuavo va lema ku simutuila via Mbimbiliya. Tue ku singimika mpoko ya nkala muntu ku tuala ku viuma via tsiliela, kaha ka tue ku sindiya vantu ku tava muzimbu uetu.

 Mu tue ku handeka via malombelo tue ku seteka ku pangesa vimamuna via Mbimbiliya na ku “konkama” kaha na ku ‘singimika’ vakuetu. (1 Petulu 3:15) Tu tantekeya ngecize vamo va ka viana muzimbu u tue ku ambulula. (Mateo 10:14) Vutuhu ka tu tantekeya vati vantu va ka tu tambula ku vanga tua handeka navo. Vunoni tu tantekeya ngecize viuma vie ku aluluka mu miono ya vantu.

 Ca ku muenako, halumo ka tu hasa ku handeka na umo muntu muomu halumo ali na vipanga via vingi, vunoni citava tu ka simutuila neni tangua likuavo. Mu ku linga halumo vantu va hasa ku hita mu vimo visoti, va hasa ku tava muzimbu ua Mbimbiliya. Ngeci mukemuo tue ku lihakela kapandi ka ku handeka vantu ntsimbu yose kati lumo lika.