Eyo, Vakaleho va Yehova ve ku tava vihemba na ku va saka ku sipitali.Tue ku lihakela kapandi ka ku niunga vuino mivila yetu na cihindu cetu, vintsimbu vimo tue ku ya kuli ‘vakua ku saka.’ (Luka 5:31, Mbimbiliya ya Yasi ku i Tanda) Ngeci mua Luka Mukua Kilistu ua ku sekulu ya ku livanga, vamo Vakaleho va Yehova lelo va pua vakua ku saka.—Kolose 4:14.

Vunoni kua kala vifua vimo via ku saka ka via litombuele na vitume via Mbimbiliya, ngeci tue ku vi viana. Ca ku muenako, ka tue ku tava ku tu haka maninga mu misisa muomu Mbimbiliya ya tu vindika ku lia maninga. (Vilinga 15:20) Cikuavo naua, Mibimbiliya ya tu vindika ku saka ca lipandakana na mahamba.—Ngalata 5:19-21.

Vunoni cingi ca vifua via ku sakelamo lelo ka vie ku liluisa na vitume via Mbimbiliya. Ngeci mukemuo, muntu ku muntu a hasa ku hangula cifua ca ku mu sakelamo. Umo Mukaleho a hasa ku tava vimo vihemba ni cimo cifua ca ku saka, vunoni mukuavo halumo a hasa ku viana ku saka caco.—Ngalata 6:5.