Houe. Mbimbiliya ya muesa ngecize, tua pande ku vundila lika kuli Njambi ku hitila mu lizina lia Yesu. Yesu ua longesele vandongesi veni ngueni: “Ngoco vene vundilenu ngecize: Tatetu u li muilu va lemese lizina liove.” (Mateo 6:9) Na limo tangua liahi ua sikile kuli vandongesi veni va vundile kuli vakua ku lela, ku tungelo ni nkala cuma ceka, vunoni kuli Njambi lika.

 Ua lekele naua vandongesi veni ngueni: “Yange njila, na vusunga, na muono: na umo uahi eza kuli Tata, ku vanga hali ange.” (Yoano 14:6.) Njambi ua tavesa lika Yesu ku tu hakuila ku meso eni.—VaHevelu 7:25.

Vuno ci pua vupi nga nji vundila kuli Njambi na kuli vakua ku kela ni?

 Njambi mua hele masiko likumi, ua handekele ngueni: “Yange Yehova Njambi yove, yange Njambi ua lifuua.” (Ezundu 20:5) Mu njila ika Njambi ua pua mukua lifuua? Mbimbiliya ya Tradução do Novo Mundo ya langulula lizi liaco nguayo: “Ua tonda ku mu lemesa lika Ikeye. Eci ca lomboloka ngecize, ku lemesa cose hamo lika na ku vundila, tua pande ku vi talekese kuli Ikeye.”—Isaya 48:11.

 Njambi ua ku niengua nga tu lemesa muntu, cipue vakua ku lela, ni tungelo. Omo kapostolo Yoano ua setekele ku lemesa umo kangelo, uze kangelo ua mu vindikile ngueni: “Tala, kati u ci linge: ange nji ngamba kumo na vana va noko vaze va kakatela vukaleho vua Yesu: lemesa Njambi.”—Ku-Solola 19:10.