JW LIBRARY
Tupululenu na ku Pangesa Mikanda—Android
Kua kala makulukazi na makulukazi a mavulu, mikanda, vi tratadu, na vivideo vi mu ka uana mu JW Library.
Kavenu vino vitume linga mu tupulule na ku pangesa mikanda:
Tupululenu Mukanda
Zimenu Mukanda
Uanenu Mizimbu ya Vuovuno
Ku Tupulula Mukanda
Mu hasa ku tupulula mikanda ya yingi i mu tonda ku tanda na ku lilongesayo cipue nga ka muesi mu internete.
Kovelenu mu navegador na ku niata ha Mikanda linga mu mone mukana ua mikanda.
Niatenu ha Malimi mu mone mukana ua malimi ose ali na mikanda yaco. Kaha hangulenu lilimi li mu tonda ku mona. Malimi a mu li na ku pangesa lualuingi a ka soloka helu lia mukana uaco. Mu hasa naua ku tondesesa mukana mu ku soneka lizina lia lilimi li mu tonda.
Kua kala vinjila via vingi mua ku uanena mikanda mu JW Library.
Ha mutamba Cifua he ku muesa mikanda ya mu lilimi li mu na koko, ku niata ha cifua ci ka muesa mikanda ya lilimi li muli na ku pangesa ngeci mua Mavulu, viTratadu, ni viVideo. Ku niata ha vifua vimo ci ka mi kuasa ku hangula mikanda ikuavo ngeci mua Vutala vua kaniungi kuliya na muaka ni ku likava ca viVideo. Niatenu ha Vifua viose linga mu hiluke helu lia mukana.
Mutamba ua Via viha ua muesa mikanda i va na tuhula vuovuno mu lilimi li mu li na ku pangesa.
Niatenu ha mukanda linga mu u tupulule mu dispositivu yenu.
Mikanda ize kanda mu i tupulule he ku kala citantekeyeso ca kaliselua. Niatenu ha mukanda uaco mu u tupulule. Nga mukanda unahu, kaliselua kaco ke ku tundaho. Citava mu niate ha mukanda linga mu u tande.
Ha mutamba Vi mua Tupulula ve ku muesa mikanda yose i mua tupulula laza mu nkala lilimi. Ou mukana mu hasa ku u tepesa na mazina ngeci mua Vi mue ku Pangesa Cikuma, Vi mue ku Pangesa Noho-Noho, ni Via Kama.
Ku Zima Mukanda
Mu hasa ku zima mukanda nga ka mu u tondo naua, ni nga mu tonda ku hamesa cihela ca ku tulikila.
Sokololenu navegador na ku niata ha Mikanda, kaha niatenu ha lizina lia mukanda (ngeci mua Mavulu) linga mu mone mukana ua mikanda. Helu lia mukanda u mu tonda ku zima, niatenu ha Vitoma Vitatu, kaha niatenu ha Zimenu.
Nga mu tonda ku hamesa cihela ca ku tulikila, citava mu zime mikanda i mue ku pangesa lika noho-noho ni ya kama cikuma. Kovelenu ha mutamba Vi Mua Tupulula; kaha mu ka mona mikanda i mue Ku Pangesa Noho-Noho ni via Kama. Zimenu mikanda intsa ka mu tondo naua.
Uanenu Mizimbu ya Vuovuno
Vintsimbu ve ku vueza vimpande via viha mu mukanda u mua tupulula laza.
Helu lia mukanda u va na hakemo mizimbu ya vuovuno he ku kala tu fuiko tua ku litala. Nga mu niata ha mukanda ha ka soloka muzimbu u ka muesa ngecize kuli vimpande via viha. Niatenu ha Ku Tupulula linga vimpande viaco vi kovele, ni niatenu ha Ntsimbu Yeka mu tualeleleho ku tanda.
Linga mu mone nga mikanda i mua tupulula va na i vueza, yenu ha vuputukilo kaha niatenu ha Mikanda, yenu ha mutamba Vi va Tupulula. nga kuli mikanda i tondeka ku vueza vimpande he ku soloka mutamba Vitonde ku Vuezako Vimo. Niatenuho linga mu mone viose vi tondeka ku vuezako vimo. Niatenu ha mukanda uaco ku livueze via viha ni niatenu ha Ku Vueza Viose linga viose vi livueze ha ntsimbu imo lika.
Evi viaco va vi tuhuile mu Fevereiro ya 2015 hamo na JW Library 1.4 ya likuata na Android 2.3 ni yeka. Nga ka muesi na ku vi mona, sukulu kambu kavenu vimamuna vi li mu “Putukenu ku pangesa JW Library—Android,” ha Talenu mizimbu ya vuovuno.Vili na ku iza Vuovuno.
