Mu JW Library mua kala viuma via vingi vi hasa ku mi kuasa nga mu tanda. Evi viuma viaco via kala ha cipalo ce ku soloka helu nga mu li na ku tanda cimo cimpande.

Citava mu niate ha Vitoma Vitatu linga mu uane viuma vikuavo vi mu hasa ku pangesa.

Kavenu evi vitume vi na hatako linga mu sungamese ku tanda cenu:

• Alululenu Lilimi

• Alululenu Cifua ca Masona

• Hamesenu vikupulo ni Masona

• Kovelenu mu . . .

• Sungamesenu ku Tonda viMbimbiliya

Mu hasa ku alulula lilimi lia kapitulu ni cilongesa ci mu li na ku tanda.

• Niatenu ha Malimi mu mone malimi ose ali na cimpande ci muli na ku tanda. Cingi ca malimi a mue ku tanda ku sua kumo a ka soloka ha mbangelo ha mukana. Mu hasa naua ku tonda lilimi mu ku sonekaho lizina lia lilimi li mu tonda.

• Malimi ose aze kanda mu ci a tupulule ha moneka kaliselua. Niatenu ha lilimi liaco linga mu tupulule mukanda uaco. Nga mukanda uaco ua kovela, ka liselua ka ka zimuka. Niatenu lueka ha lilimi linga mu u tande.

Mu hasa ku alulula masona na ku haka ha cifua ci mu hasa ku a tanda vuino. Niatenu ha Ku Alulula Masona, kaha alululenu linga mu hamese ni ku tepulula. Mu hasa ku lingamo na nkala mikanda ya kalamo.

• Vimo vimpande vi hasa ku moneka ngue vikupulo ni masona. Niatenu ha cimo ca vitoma vitatu na ku endesa kaze ka li ha kati ka vipalo. Cifua ca Mukanda: Cifua ca ku fukula ce ku muesa mukanda mu cifua ci ua tuhuka. Vantu vamo va lema ku mona mukanda mu cifua eci, ngeci mua livulu lia miaso, muze mu va muesa masona a kala mu vipalo.

• Cifua ca Masona: Ku fukula mu cifua ca masona ce ku muesa mezi a mu Mbimbiliya mu cifua ci ka mi asiuisa ku puisa vukama vua masona haze ha mua hanguila.

Ku niata ha Kovelenu mu . . . ci ka mi tavesa ku mona vimpande vi mu li na ku tanda mu JW Library ni aplikativu ikuavo.

Niatenu ha Kovelenu mu . . . linga mu ka mone vi aplikativu vikuavo.

Ca ku muenako, cimpande ci mu li na ku tonda mu hasa ku ci sokolola nga mu niata ha Open in Online Library ni nguetu Kovelenu mu mu Watchtower ONLINE LIBRARY.

Nga mu niata ha mezi amo a mu Mbimbiliya mu umo mukanda, mu ka mona vinimbu viaco. Ngeci mukemuo niatenu ha cipalo Sungamesenu, ci li muintsi lia vinimbu, linga mu hangule Mbimbiliya i mu tonda ku vueza ku mukana uenu, ha kati ka viMbimbiliya vi mua tupulula laza.

Niatenu ha Vuezenu ni ha Tundisenu linga mu vueze ni ku tundisamo vimo viMbimbiliya. Kaha citava mu koke na ku niata ha nkala Mbimbiliya mu ku i haka muintsi ni helu mu sungamese mukana uenu. Talenu “Tupululenu na ku Pangesa viMbimbiliya—Android” mu mone vika mu hasa ku linga mu uane viMbimbiliya vieka mu JW Library.