“Tlanauatianij uan ininsoldados tlateuisej ininuaya sekinok tlanauatianij uan ininsoldados. [...] Ika nochi ni tlamantli sanok peua nopa fiero tlamantli tlen tlakamej kiijiyouisej.”

(Mateo 24:7, 8)

“Motlalanasej miak tlen kiijtosej para yajuantij elij iteokamanalojkauaj toTeko [...] uan kinkajkayauasej miak tlakamej. Momiakilisej tlakamej tlen [...] tlajtlakolchiuasej. Uan miak tlakamej tlen kineltokaj toTeko ayok kiiknelisej keja achtoui.”

(Mateo 24:11, 12)

“Inkikakisej para onka tlateuijkayotl nikaj uan neka, pero amo ximomajmatikaj, pampa nochi ni moneki panos. Pero axnimantsi ualas itlamia Tlaltipaktli.”

(Marcos 13:7)

“Kampa ueli tlauel mojmolinis tlali, uan onkas ueyi mayantli, uan uejueyi kokolistli. Uan ipan iluikak tlakamej kiitasej ueyi tlaneskayotl uan tlamantli tlen kinmajmatis.”

(Lucas 21:11)

 “Kema ualas itlamia tonali elis nelia fiero. Tlakamej san moiknelisej ininseltitsitsij uan tlauel kinekisej miak tomij. Tlauel motlepanitasej uan moueyimatisej. Kitlaijiljuisej toTeko uan axkintlepanitasej [...] inintatauaj. Axmotlaskamatisej [...]. Axteiknelisej. Axtetlasojtlasej. San teijilnamikisej. Tlakamej ayok uelis monauatisej [...,] kikokolisej nochi tlen kuali. [...] Kinkajkayauasej hasta ininuampoyouaj uan mosisinisej uan kichiuasej tlen ueli tlamantli. Moiljuisej miak inintlalnamikilis, pero axneli. Kitemosej san tlen ika uelis mopakilismakasej, pero axkitemosej toTeko. [...] Mochiuasej keja kiixmatij toTeko, pero axtle. Ika tlen kichiuasej kinextisej para axtleno kinekij tlen ichikaualis.”

(2 Timoteo 3:1-5)