TLAJTLANILI 2
¿Kenijkatsa uelis tikixmatisej toTeotsij?
“Axkema xijkaua xikinilnamikiltijtinemi israelitajmej tlen kiijtoua nopa amatlapouali tlen kipia notlanauatil. Ximoiljuijtinemi tlen notlanauatil tonali uan youali para uelis tijchiuas nochi tlen kiijtoua. Keja nopa tinejnemis ika tlalnamikistli uan nochi tlen tijchiuas kisas kuali.”
(Josué 1:8)
“Yajuantij kipojkej chikauak para nochi kikakiskiaj uan teipa nopa levitajmej kinmachtijkej tlakamej tlake kineki kiijtos sejse tlamachtili para ma kimachilikaj kuali uan nochi uelkej kimachilijkej.”
(Nehemías 8:8)
“Paki nopa tlakatl tlen axkitlakakilia inintlajtol axkuajkualmej, [...] kipantia ueyi pakilistli pampa kichijtinemi tlen kiijtoua itlanauatiljuaj toTeko, uan ipan nopa tlanauatili moyoliljuijtinemi tonaya uan tlayoua. [...] Nochi tlen kichiua kisa kuali.”
(Salmo 1:1-3)
“Uan Felipe kinechkauik [nopa tlakatl tlen eua Etiopía] uan kikajki kipouayaya iama Isaías. Uan Felipe kitlajtlanik: ¿Tijmachilia tlen tijpoua? Uan nopa tlakatl kiiljuik: Axuelis nijmachilis intla axaka nechixtomilis.”
“Iluikaktli tepouilia iueyitilis toTeko Dios. Tlanempa technextilia tlen nelpano yejyektsi tlen yajaya ueli kisenkaua.”
(Salmo 19:1)
“Ika nochi moyolo xijchijtinemi nochi ni tlamantli tlen nimitsiljuijtok. San ya nopa xijmati para nochi tlaneltokanij kiitasej para mojmostla tijchiua más kuali iteki toTeko.”
“Ma tijtemokaj kejatsa timosemakasej se ika seyok para más timoiknelisej uan tijchiuasej tlen kuali. Ximomokuitlauikaj para axinkikauasej inmosentilisej.”
“Intla se tlen inmojuantij kineki achi más tlalnamikilistli pampa axkimati tlachke ipakilis toTeko ipan inemilis, ma kitlajtlani toTeko uan yajaya kimakas.”