TLAJTLANILI 6
¿Tlake tlajtolpanextili moaxitik ipan Mesías?
TLAJTOLPANEXTILI
“Pilaltepetsi Belén Efrata [...,] nopano se tonal tlakatis para na se ueyi Tlanauatijketl tlen kinnauatis israelitajmej.”
(Miqueas 5:2)
KEJ MOAXITIK
“Uan Jesús tlakatki ipan altepetl Belén ipan estado Judea ipan nopa tonali kema tlanauatijketl Herodes kipixki tlanauatili.”
TLAJTOLPANEXTILI
“Momajmakaj tlen nimokentiyaya. Kena, mauiltiaj ika piltetsitsij para kiitasej ajkeya [mokauis] sejse noyoyo.”
(Salmo 22:18)
KEJ MOAXITIK
“Nojkia kikuilijkej iyoyo ueueyak tlen axtlatektli. Kisenkajtoyaj nopa yoyomitl koxtaltik, axtlajtsontli tlen ikechtla hasta iikxiko. Uajka nopa soldados moiljuijkej: Ma axtijtsayanakaj. Más kuali ma [...] tikita[ka]j ajkeya kitlanis uan kiuikas.”
TLAJTOLPANEXTILI
“ToTeko kimokuitlauia para axpostekis niyon se iomiyo.”
(Salmo 34:20)
KEJ MOAXITIK
“Kema asitoj [...], kiitakej ya miktoya, uajka axkitlapanilijkej imetsomiyo.”
TLAJTOLPANEXTILI
“Yajaya kikokojkej topampa tojuantij totlajtlakoljuaj.”
(Isaías 53:5)
KEJ MOAXITIK
“Uajka se soldado kitlapouilik ielchikikanauia ika ikuatlami tlen ueueyak uan kiski estli maneltik ika atl.”
TLAJTOLPANEXTILI
“Uajka yajuantij nechpatiitakej uan nechmakakej 30 platatomij.”
(Zacarías 11:12, 13)
KEJ MOAXITIK
“Se tlen tojuantij tiimomachtijkauaj Jesús tlen kitokaxtiyayaj Judas Iscariote, yajki kinitato nopa tlayakankatotajtsitsij. Uan kintlajtlanik: ¿Keski innechmakasej intla niinmechmaktilis Jesús? Uan [...] kimakakej Judas treinta platatomij.”