“Nochi mokuesol xijkaua imako [Jehová] uan yajaya mitsmakas temachili. ToTeko axkikauas ma uetsi se tlen kitlepanita.”

(Salmo 55:22)

“Aki achtoui [kuali] moiljuia [...] kejatsa kichiuas se tlamantli kipantis para kisas kuali iteki uan yajaya [tlapijpias]. Pero nopa tlakatl tlen momajkaua nimantsi uan kej ueli kichiuas se tekitl axkikualtilis uan yajaya mochiuas se teikneltsi.”

(Proverbios 21:5)

“Amo ximajmauikaj pampa na niitstok inmouaya. Amo ximokuesokaj pampa na niinmoTeko. Niinmechfuerzajmakas. Niinmechpaleuis uan niinmechmaitskitos ika nonejmatl tlen ika nitlatlani.”

(Isaías 41:10)

“San tlapik para inmokuesosej. Intla inmokuesosej pampa axinuejkapantikej, ¿uelis inmoskaltisej seyok ome mistitl pampa inmokuesojtokej? Axinuelij.”

(Mateo 6:27)

 “Amo ximokuesokaj tlen uelis panos mostla. Pampa mojmostla tijpantijtiauij kuesoli. Mojmostla achi kuali san timoiljuisej tlen nopa kuesoli tlen nopa tonal kiualikak.”

(Mateo 6:34)

“Xijmatikaj kejatsa inkitlapejpenisej tlen nelia [ipati].”

(Filipenses 1:10)

“Ayok ximotekipachokaj ika niyon se tlamantli. Más kuali ximomaijtokaj ika toTeko ika nochi tlen inmechpanotiuala. Xijtlajtlanikaj ma inmechmaka nochi tlen moneki uan xijtlaskamatikaj para nochi tlen inmechchiuilijtok. Intla keja nopa inkichiuaj, toTeko inmechmakas tlaseuilistli ipan inmoyolo tlen tlakamej axuelis kimachilisej. Uan nopa tlaseuilistli kiyaualtsakuas inmoyolo uan inmotlalnamikilis toTeko pampa inmechtlatskiltijtok ipan Cristo.”

(Filipenses 4:6, 7)