¿Tlake tlauel kuali tlamantli uelis inkinmakasej inmokoneuaj? Inijuantij kinpoloua miak tlamantli. Maske moneki inkiniknelisej, inkinyakanasej o inkinmanauisej, tlauel moneki inkinmachtisej tlen Jehová uan tlen Biblia tlamachtia (Juan 17:3). Tlaj kiixmatisej Jehová kema nojua pilkonetsitsij, kinpaleuis kiiknelisej uan kitekipanosej ika nochi ininyolo (Mateo 21:16).

Miakej tetajmej kiitstokej ininpilkoneuaj nimantsi kitsontekontlaliaj kema kinmachtiaj ika amo ouij tlamachtili. Yeka, tiyolpakij tiinmechmakaj ni pilamochtsi tlen itoka Tlen ika nimomachtia Biblia. Ni inmechpaleuis inkinmachtisej inmopilkoneuaj pampa kipia tlajtoli tlen amo ouij. Nopa tlaixkopinkayomej uan textos tlen kipia, kinpaleuis konemej katli ya kipiaj eyi xiuitl o ayamo. Nojkia kipia sekinok tlamantli tlen moneki kichiuasej. Ni pilamochtsi amo se ajauili. Moneki inkipouasej ininuaya inmopilkoneuaj pampa inmechpaleuis inmonojnotsasej ininuaya.

Ni pilamochtsi inmechpaleuis inkinmachtisej inmokoneuaj ika Biblia maske nojua konemej (2 Timoteo 3:14, 15).

Inmoikniuaj,

Katli kinyakanaj Jehová itlajtoltemakauaj