Teipa tlen xiuitl 4026 a.u.J.

Nopa “kouatl” kiijtok Jehová amo kuali tlanauatia uan amo kinamiki tlanauatis. Jehová kiijtok se tlen nopa “siuatl [...] ikoneuaj” kitsonxamanis nopa kouatl, Satanás (Génesis 3:1-5, 15, TNM). Jehová kinkajtok maseualmej ma monauatikaj se keski tonali uan Satanás ma kinyakana.

Xiuitl 1943 a.u.J.

Jehová kiiljuik Abraham nopa ‘siuatl ikone’ ualaskia tlen ichampoyouaj (Génesis 22:18).

Teipa tlen xiuitl 1070 a.u.J.

Jehová kiiljuik David, uan teipa ikone Salomón, nopa ‘siuatl ikone’ ualaskia tlen ichampoyouaj (2 Samuel 7:12, 16; 1 Reyes 9:3-5; Isaías 9:6, 7).

Xiuitl 29 y.u.J.

Jehová kinextik Jesús yaya nopa ‘siuatl ikone’ katli kinamikiyaya kitekipatlas David (Gálatas 3:16; Lucas 1:31-33; 3:21, 22).

 Xiuitl 33 y.u.J.

Nopa “kouatl”, Satanás, kichijki ma kimiktikaj Jesús, uan ika nopa kejuak kikokok nopa ‘siuatl ikone’. Jehová kiyolkuik uan Jesús sampa yajki iluikak. Jehová kipatiitak Jesús inemilis tlen temaktilik, kiampa ueliskia kintlapojpoljuis Adán ikoneuaj uan itstosej nochipa (Génesis 3:15, TNM; Hechos 2:32-36; 1 Corintios 15:21, 22).

Uelis ipan xiuitl 1914 y.u.J.

Jesús kikuamajkajki nopa “kouatl” ipan Tlaltipaktli, uan kichiualtik nopaya ma mokaua se kentsi tonali (Apocalipsis 12:7-9, 12).

Tlen panos teipa

Jesús kitsakuas Satanás mil xiuitl uan teipa kejuak kitsonxamanis, ni kiijtosneki kitsontlamiltis. Kej nopa moaxitis tlen Jehová mosentlalijtoya kichiuas ipan Tlaltipaktli. Uan itoka kejuak mokauas tlapajpaktli pampa ayokmo aka kitlaijiljuis, uan nojkia nesis kenijkatsa san ya tlauel kuali tlanauatia (Apocalipsis 20:1-3, 10; 21:3, 4).