¿Tlake uelis tijchiuas uan kiampa mitspaleuis tlen timomachtijtias?
Achtoui xijpoua tlen nikaj uala uan teipa xijpeualti ximomachti. Teipa xikita nopa VIDEO.
TLAXELOLI SE
Achtoui moselti xijpoua nopa achtoui iamayo tlen sejse tlamachtili. Se keski tlajtlanili kipia números A) uan textos tlen Biblia tlen ijkuilijtok ika yayauik E), nopa kipankixtia tlamachtili tlen tlauel ipati. Nojkia ipan se keski textos kiijtoua “Xijpoua”.
TLAXELOLI OME
Nopa achtoui párrafo tlen nopa tlaxeloli “Kuali ximomachti” kiixtoma tlake timomachtis I). Nopa subtítulos tlen kipia números kipankixtia tlamachtili tlen tlauel ipati J).
VIDEOS. Ipan nopa recuadros uala videos uan audios tlen mitspaleuis nojua kuali xijkuamachili sejse tlamachtili. Se keski videos kinextia tlen nelnelia kinpanok se keskij maseualmej. Uan sekij katli nesij ipan videos amo nelia inijuantij kinpanok o amo nelia panok tlen nesi, san kiixnextia tlen kemantika ueliskia panos.
Iuaya katli mitsmachtia xijpoua nopa textos, xijnankili nopa tlajtlanili uan xikita nopa videos. Xijtlachili tlaixkopinkayomej uan nopa tlajkuiloli tlen kiixtoma K), uan ximoiljui kenijkatsa titlanankiliskia kampa kiijtoua “Tlen sekinok kiijtouaj” L).
TLAXELOLI EYI
Kampa tlami sejse tlamachtili kiijtoua “Tlen timomachtijkej” uan “¿Tlake tijyekok?” M). Xikijkuilo kema titlamis timomachtis sejse tlamachtili. Ipan recuadro “Tlen uelis tijchiuas”, kiijtoua sekinok tlamantli tlen mitspaleuis nojua kuali xitlaneltoka N). Ipan tlaxeloli “Nojkia xikita ni” tikitas sekinok tlamachtili uan videos tlen mitspaleuis O).
Tlen uala ipan ni amochtli
|
|
|
|
¿Kenijkatsa uelis tijpantis se texto ipan Biblia?
Biblia kipia 66 pilamochtsitsij. Moxelojtok ipan Escrituras Hebreoarameas uan Escrituras Griegas Cristianas. Sekij maseualmej nojkia kiiljuiaj Antiguo Testamento uan Nuevo Testamento.
Kema ipan ni tlamachtili nesi se texto, achtoui nesi itoka nopa pilamochtsi A), teipa nesi se número tlen eli nopa capítulo E) uan teipa nesi seyok número o miak números tlen eli nopa versículo o versículos I).
Kema ijkuilijtok Juan 17:3 kiijtosneki “pilamochtsi Juan, capítulo 17, versículo 3”.
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
