TLAMACHTILI 10
¿Kenijkatsa mitspaleuis tlaj timonechikos touaya?
¿Mitsiljuijtokej Jehová itlajtoltemakauaj ximonechiko ininuaya? Tlaj amo kema tiajtok, uelis tipinaua tias. Uan uelis timotlajtlania: “¿Tlake kichiuaj Jehová itlajtoltemakauaj kema monechikouaj? ¿Kenke kichiuaj kampeka nochipa monechikosej? ¿Nojkia moneki nimonechikos ininuaya?”. Ipan ni tlamachtili tikitas tlaj tias kema timonechikouaj, mitspaleuis nojua kuali timouikas iuaya toTeotsij uan mitspaleuis ipan monemilis.
1. ¿Kenke monechikouaj Jehová itlajtoltemakauaj?
Se katli kiijkuilok Biblia kiijtok kenke tlauel ipati timonechikosej: “Tlamiakapa [o kampa itstokej miakej] toTeko, nimitsueyichiuas” (Salmo 26:12). Ipan ni tonali, Jehová itlajtoltemakauaj nojkia monechikouaj uan nopa kichiua tlauel ma yolpakikaj. Ipan nochi Tlaltipaktli sejse semana monechikouaj uan kiampa kiueyichiuaj toTeotsij, uikaj uan momaijtouaj. Nojkia ipan se xiuitl kichiuaj eyi uejueyi tlanechikolistli.
2. ¿Tlake timomachtiaj kampa timonechikouaj?
Kema timonechikouaj timomachtiaj Biblia uan techixtomiliaj tlake kineki kiijtos (xijpoua Nehemías 8:8). Tlaj timonechikos touaya, mitspaleuis nojua kuali tikixmatis Jehová uan tijmatis tlake kuajkuali tlamantli kinextia. Kema tikitas Jehová tlauel mitsiknelia, nojua tijnekis timouampojchiuas iuaya. Nojkia tikitas kenijkatsa Jehová mitspaleuis xiyolpaki ipan monemilis (Isaías 48:17, 18).
3. ¿Kenijkatsa uelis mitspaleuisej katli tikinixmatis ipan tlanechikoli?
Jehová kineki nochipa ma timosentilikaj, ma tijchiuakaj tlen kuali uan ma timoiknelikaj (Hebreos 10:24, 25). Kampa timonechikouaj tikinixmatis maseualmej katli nelnelia moikneliaj uan katli nojkia kinekij kiixmatisej toTeotsij. Nopaya tijkakis tlamachtili tlen mitsyolchikauas (xijpoua Romanos 1:11, 12). Uan nojkia tikinixmatis katli kipiaj ininsiua o ininueue uan katli amo kipiaj, inijuantij mitsiljuisej tlake kinpaleuijtok ma yolpakikaj maske kipiaj kuesoli. Tlaj timonechikos touaya mitspaleuis ipan ni uan ipan sekinok tlamantli, yeka Jehová kineki xia.
KUALI XIMOMACHTI
Ma tikitakaj tlake kichiuaj Jehová itlajtoltemakauaj kema monechikouaj uan kenke tlauel mitspaleuis tlaj tias.
4. ¿Tlake kichiuaj Jehová itlajtoltemakauaj kema monechikouaj?
Ipan achtoui siglo, Cristo itokilijkauaj monechikouayayaj uan kiampa kiueyichiuayayaj Jehová (Romanos 16:3-5). Xijpouakaj Colosenses 3:16 uan xijnankilikaj ni tlajtlanili:
-
¿Tlake kichiuayayaj Cristo itokilijkauaj kema monechikouayayaj?
Ipan ni tonali, Jehová itlajtoltemakauaj nojkia monechikouaj uan kiampa kiueyichiuaj Jehová. Tlaj tijneki tijmatis tlake kichiuaj kema monechikouaj, xikitakaj nopa VIDEO. Teipa xikitakaj nopa tlaixkopinkayotl kampa nesi tlake kichiuaj kema monechikouaj uan xijnankilikaj ni tlajtlanili:
-
¿Timoiljuia tlen mochiua kema timosentiliaj eli sanse ika tlen kiijtoua Colosenses 3:16? ¿Kenke kiampa timoiljuia?
-
¿Mitspaktik se tlamantli tlen tikitak ipan nopa video o tlen nesi ipan nopa tlaixkopinkayotl?
Xijpouakaj 2 Corintios 9:7 uan xijnankilikaj ni tlajtlanili:
-
¿Kenke Jehová itlajtoltemakauaj amo tlainamaj kema monechikouaj?
Iuaya katli mitsmachtia xikitakaj tlake tlamantli momachtisej kema monechikosej.
-
¿Tlake tlamachtili tlen nopaya mopanoltis mitspaktiskia tijkakis o timoiljuia mitspaleuis?
¿Tijmajtoya?
Ipan nochi Tlaltipaktli timosentiliaj uan ipan jw.org, uelis tikitas kanke uan kema.
-
A. Kema timonechikouaj mopanoltia tlamachtili, tlanextilili uan videos. Kema peua uan tlami, tiuikaj uan mochiua se tlamaijtoli.
-
E. Ipan se keski tlamachtili, katli monechikouaj uelis momatlananasej uan tlanankilisej.
-
I. Nochi kuali kinseliaj, tlakamej, siuamej, katli ya uejueyij uan konemej.
-
J. Jehová itlajtoltemakauaj amo tlainamaj kema monechikouaj.
5. Xijchiua kampeka nojkia timonechikos
Ma timoiljuikaj ipan tlen kichiuayayaj Jesús ichampoyouaj. Inijuantij itstoyaj Nazaret uan sejse xiuitl monekiyaya nejnemisej eyi tonali, uan kiampa asiyayaj Jerusalén kampa kiueyichiuayayaj Jehová. Xijpouakaj Lucas 2:39-42 uan xijnankilikaj ni tlajtlanili:
-
¿Timoiljuia monekiyaya kichiuasej se ueyi kampeka tlaj kinekiyayaj yasej Jerusalén?
-
Uan ta, ¿nojkia moneki tijchiuas kampeka tlaj tijneki tias kema timosentiliaj? ¿Kenke kiampa timoiljuia?
-
Maske ouij tijmatis, ¿timoiljuia mitspaleuis tlaj tias kema timosentiliaj? ¿Kenke kiampa timoiljuia?
Biblia kiijtoua moneki timonechikosej, kiampa uelis sansejko tijueyichiuasej Jehová. Xijpouakaj Hebreos 10:24, 25 uan xijnankilikaj ni tlajtlanili:
-
¿Kenke moneki tijchiuasej kampeka nochipa timonechikosej?
TLEN SEKINOK KIIJTOUAJ: “Tlaj tijneki tijueyichiuas toTeotsij, amo moneki timonechikos ininuaya sekinok”.
-
¿Tlake texto o tlake tlamantli tlen kichijkej se keskij maseualmej kinextia Jehová kineki ma timonechikokaj?
TLEN TIMOMACHTIJKEJ
Tlaj timonechikos mitspaleuis nojua kuali tikixmatis Jehová, kuali timouikas iuaya uan tijueyichiuas ininuaya sekinok.
¿Tlake tijyekok?
-
¿Kenke Jehová kineki ma timonechikokaj?
-
¿Tlake tijyekos kema timonechikos ininuaya Jehová itlajtoltemakauaj?
-
¿Ipan tlake sekinok tlamantli timoiljuia mitspaleuis tlaj timonechikos?
NOJKIA XIKITA NI
¿Tipinaua tias kema timonechikouaj? Xikita tlake kipaleuik se tlakatl ma kipakti yas kampa timonechikouaj maske achtouia pinauayaya.
Xikixmati se telpokatl katli tlauel kipaktiyaya yas kampa timonechikouaj uan xikita tlake monejki kichiuas pampa kinekiyaya nochipa yas.
Xikita tlake moiljuiaj se keskij maseualmej kema monechikouaj ininuaya Jehová itlajtoltemakauaj.
Xikita kenijkatsa se tlakatl katli tlauel mosisiniyaya kipaleuik ma kipatla inemilis kema pejki monechikoua ininuaya Jehová itlajtoltemakauaj.
“Nochipa nijnemiltiyaya nopistola” (Tlen Tematiltia, julio 1, 2014)
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
