TLAMACHTILI 18
¿Kenijkatsa uelis tijmatisej ajkia inijuantij nelnelia elij Cristo itokilijkauaj?
Maske tlauel miakej maseualmej kiijtouaj elij Cristo itokilijkauaj, amo nochi kineltokaj sanse tlamachtili yon amo monejnemiltiaj sanse. Yeka, ¿kenijkatsa uelis tijmatisej ajkia nelnelia elij Cristo itokilijkauaj?
1. ¿Ajkia nelnelia elij Cristo itokilijkauaj?
Kiniljuiaj “cristianos” katli kitokiliaj Cristo uan kichiuaj kej ya (xijpoua Hechos 11:26). ¿Kenijkatsa kinextiaj nelnelia kitokiliaj Cristo? Jesús kiijtok: “Tlaj mojmostla inkichijtiasej tlen niinmechiljuia, uajka nelia initstosej innomomachtijkauaj” (Juan 8:31). Ni kiijtosneki katli nelnelia elij Cristo itokilijkauaj moneki kichiuasej tlen ya tlamachtik. Kema Jesús tlamachtiyaya, nochipa kitekiuiyaya Biblia, yeka itokilijkauaj nojkia kiampa kichiuaj (xijpoua Lucas 24:27).
2. ¿Kenijkatsa kinextiaj teikneliaj katli nelnelia elij Cristo itokilijkauaj?
Jesús kinnauatik itokilijkauaj: “Ximoiknelikaj se ika seyok keja na niinmechiknelia” (Juan 15:12). Jesús kinextik kinikneliyaya itokilijkauaj pampa itstoya ininuaya, kinyolchikajki, kinpaleuik uan motemaktilik pampa kinekiyaya kinmanauis (1 Juan 3:16). Katli nelnelia elij Cristo itokilijkauaj kichiuaj kej Jesús uan yeka amo san kiijtouaj moikneliaj, inijuantij kinextiaj nelnelia moikneliaj ika tlen kiijtouaj uan ika tlen kichiuaj.
3. ¿Tlake mosentlalijtokej kichiuasej Cristo itokilijkauaj?
Jesús kinmakak itokilijkauaj se yejyektsi tekitl, “kintitlanki ma kimoyauakaj toTeotsij iTlanauatijkayo” (Lucas 9:2, TNM). Katli elkej achtoui Cristo itokilijkauaj amo san tlamachtiyayaj kampa tlaueyichiuayayaj, inijuantij nojkia tlamachtiyayaj kajkalpa uan kampa itstoyaj miakej maseualmej (xijpoua Hechos 5:42; 17:17). Ipan ni tonali, Cristo itokilijkauaj nojkia tlajtolmoyauaj kampa ueli pampa kinikneliaj maseualmej. Yeka ika miak pakilistli kikixtiaj tonali uan kitekiuiaj ininchikaualis pampa kinekij kinyolchikauasej sekinok ika Biblia (Marcos 12:31).
KUALI XIMOMACHTI
Ma tikitakaj kenke katli nelnelia elij Cristo itokilijkauaj amo elij sanse kej maseualmej katli amo kichiuaj tlen Jesús kichijki yon tlen tlamachtik.
4. Kitemouaj tlen nelnelia tlamachtia Biblia
Cristo itokilijkauaj katli uejkajkia itstoyaj kipatiitayayaj toTeotsij iTlajtol.
Sekij katli kiijtouaj kitokiliaj Cristo amo kinekij kikuamachilisej tlen Biblia tlamachtia uan amo kinekij kichiuasej ipan ininnemilis. Xikitakaj nopa VIDEO uan xijnankilikaj ni tlajtlanili:
-
¿Tlake kichijkej katli kiijtouayayaj kitokiliaj Cristo pampa amo kinekiyayaj maseualmej ma kimatikaj tlen Jesús tlamachtik?
Jesús tlamachtik tlen melauak tlen kiijtoua Biblia. Xijpouakaj Juan 18:37 uan xijnankilikaj ni tlajtlanili:
-
Ika tlen Jesús kiijtok, ¿kenijkatsa uelis tijmatisej ajkia inijuantij elij itokilijkauaj katli tlamachtiaj “tlen melauak”?
5. Tlamachtiaj tlen melauak tlen kiijtoua Biblia
Cristo itokilijkauaj katli uejkajkia itstoyaj tlajtolmoyauayayaj.
Kema Jesús nechka yaskia iluikak kinnauatik itokilijkauaj ma kichiuakaj se tekitl tlen nama nojua mochiua. Xijpouakaj Mateo 28:19, 20, TNM uan Hechos 1:8 uan xijnankilikaj ni tlajtlanili:
-
¿Kema tlamiskiaj tlajtolmoyauasej Cristo itokilijkauaj? ¿Kanke monekiyaya tlajtolmoyauasej?
6. Kichiuaj tlen tlamachtiaj
¿Kenke Tom motemachik kinpantijtoya katli nelnelia elij Cristo itokilijkauaj? Xikitakaj nopa VIDEO uan xijnankilikaj ni tlajtlanili:
-
Kej nesi ipan video, ¿kenke Tom ayokmo motemachik ipan religiones?
-
¿Tlake kipaleuik ma motemachi kinpantijtoya katli nelnelia elij Cristo itokilijkauaj?
Amo san moneki tikijtosej tijneltokaj se tlamantli, moneki tijchiuasej ipan monemilis. Xijpouakaj Mateo 7:21 uan xijnankilikaj ni tlajtlanili:
-
¿Tlake kipatiita Jesús: tlen tikijtouaj tijneltokaj o tlen tijchiuaj?
7. Nochi moikneliaj
Cristo itokilijkauaj katli uejkajkia itstoyaj moikneliyayaj.
¿Timoiljuia Cristo itokilijkauaj mosemakaj mikisej pampa kinekij kinmanauisej ininikniuaj? Xikitakaj nopa VIDEO uan xijnankilikaj ni tlajtlanili:
-
¿Kenke toikni Lloyd kinejki kimanauis toikni Johansson?
-
¿Timoiljuia kinextik nelnelia eli Cristo itokilijka?
Xijpouakaj Juan 13:34, 35 uan xijnankilikaj ni tlajtlanili:
-
¿Kenijkatsa Cristo itokilijkauaj moneki kinitasej maseualmej katli euaj ipan seyok altepetl?
-
¿Kenijkatsa kinextiskiaj teikneliaj kema onkaskia tlauilankayotl?
TLEN SEKINOK KIIJTOUAJ: “Amo kenijki tlaj tijpias seyok religión, san moneki titlaneltokas ipan Jesús”.
-
¿Tlake texto tijpouaskia uan kiampa tijnextiskia ajkia inijuantij nelnelia elij Cristo itokilijkauaj?
TLEN TIMOMACHTIJKEJ
Katli nelnelia elij Cristo itokilijkauaj kichiuaj tlen Biblia kiijtoua, kimoyauaj tlen nelnelia tlamachtia Biblia uan kichiuaj kampeka kinpaleuisej ininikniuaj kema tlaijiyouiaj pampa kinikneliaj.
¿Tlake tijyekok?
-
¿Kanke mokixtijtok tlen kineltokaj katli nelnelia elij Cristo itokilijkauaj?
-
¿Tlake kuali tlamantli kinextiaj katli nelnelia elij Cristo itokilijkauaj?
-
¿Tlake tekitl kichiuaj?
NOJKIA XIKITA NI
Kuali xikinixmati se keskij maseualmej katli kichiuaj kampeka kichiuasej tlen Jesús kichijki uan tlen tlamachtik.
Xikita kenijkatsa se siuatl katli achtouia eliyaya monja kinixmatki maseualmej katli pejki kinita kej ichampoyouaj.
“Nechnankilijkej ika Biblia tlen nijnekiyaya nijmatis” (Tlen Tematiltia, abril 1, 2014)
Xikita kenijkatsa katli nelnelia elij Cristo itokilijkauaj kinextiaj nelnelia kinikneliaj ininikniuaj kema kinpano se tlamantli tlen amo kuali.
Tikinpaleuiaj toikniuaj kema kintlasojsoljuilia se tlenijki (Kixelojtokej) (3:57)
Jesús kiijtok kenijkatsa eliskiaj katli nelnelia elij itokilijkauaj. Xikita kenijkatsa Cristo itokilijkauaj katli uejkajkia itstoyaj kichijkej tlen Jesús tlamachtik, uan ipan ni tonali katli nelnelia elij Cristo itokilijkauaj nojkia kiampa kichiuaj.
“¿Tlake kichiuaj katli nelnelia elij Cristo itokilijkauaj?” (Tlen Tematiltia, marzo 1, 2012)
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
