TLAMACHTILI 19
¿Jehová itlajtoltemakauaj nelnelia elij Cristo itokilijkauaj?
Jehová itlajtoltemakauaj tijneltokaj nelnelia tielij Cristo itokilijkauaj. ¿Kenke kiampa tikijtouaj? Ma tikitakaj kanke mokixtia nochi tlen tijneltokaj, kenke timotokaxtiaj Jehová itlajtoltemakauaj uan kenijkatsa tijnextiaj nelnelia timoikneliaj.
1. ¿Kanke mokixtijtok nochi tlen kineltokaj Jehová itlajtoltemakauaj?
Jesús kiiljuik toTeotsij: “Motlajtol tlen nelia melauak” (Juan 17:17). Jehová itlajtoltemakauaj tijchiuaj sanse kej Jesús kichijki, yeka nochi tlen tijneltokaj mokixtijtok ipan toTeotsij iTlajtol. Xikita tlake kichijkej Jehová itlajtoltemakauaj kema pejkej momachtiaj. Nechka xiuitl 1870, se keskij maseualmej katli kipiayayaj kuali ininyolo pejkej kuali momachtiaj Biblia pampa kinekiyayaj kimatisej tlake nelnelia tlamachtia. Uan kema kimatkej tlen melauak, ya nopa pejkej kineltokaj maske katli tlayakanayayaj ipan Iglesias tlamachtiyayaj seyok tlamantli. Uan teipa pejkej kiniljuiaj sekinok tlen momachtijtoyaj. a
2. ¿Kenke timotokaxtiaj Jehová itlajtoltemakauaj?
Jehová kiijtoua maseualmej katli kiueyichiuaj elij itlajtoltemakauaj pampa kimoyauaj tlen melauak tlen ya (Hebreos 11:4-12:1). Uejkajkia, toTeotsij kiniljuik itekipanojkauaj: “Inmojuantij [...] innotestigos” (xijpoua Isaías 43:10). Uan Jesús kiiljuiaj katli “nochipa techiljuia tlen temachtli” (Apocalipsis 1:5). Yeka, ipan 1931 pejki timotokaxtiaj Jehová itlajtoltemakauaj. Tlauel tiyolpakij pampa kiampa timotokaxtiaj.
3. ¿Kenijkatsa Jehová itlajtoltemakauaj kinextiaj moikneliaj kej Jesús kichijki?
Jesús tlauel kinikneliyaya itokilijkauaj uan kinitayaya kej ichampoyouaj (xijpoua Marcos 3:35). Maske kampa ueli tiitstokej, nochi Jehová itlajtoltemakauaj elij kej tochampoyouaj uan timosentikapaleuiaj. Yeka tijtekiuiaj nopa tlajtoli toikni (Filemón 1, 2). Nojkia tijneltokaj ni tlanauatili: “Xikiniknelikaj inmoikniuaj ipan Cristo” (1 Pedro 2:17). Jehová itlajtoltemakauaj tijnextiaj timoikneliaj ipan miak tlamantli, kej kema timopaleuiaj kema pano se tlamantli tlen amo kuali.
KUALI XIMOMACHTI
Ma tikitakaj kenijkatsa pejkej momachtiaj Jehová itlajtoltemakauaj uan sekinok tlamantli tlen kinextia nelnelia tielij Cristo itokilijkauaj.
Nochi tlen kineltokaj katli nelnelia elij Cristo itokilijkauaj mokixtijtok ipan Biblia uan kiniljuiaj sekinok tlen kiyekojtokej.
4. Tlen tijneltokaj mokixtijtok ipan Biblia
Jehová ipa kiijtojtoya nojua kuali tijkuamachiliskiaj tlen Biblia tlamachtia. Xijpouakaj Daniel 12:4 uan xijnankilikaj ni tlajtlanili:
-
¿Tlake momiakiliskia kema toTeotsij itekipanojkauaj nojua kuali momachtiskiaj Biblia?
Xikita kenijkatsa momachtiyayaj Biblia Charles Russell uan sekinok maseualmej. Xikitakaj nopa VIDEO uan xijnankilikaj ni tlajtlanili:
-
Kej nesi ipan video, ¿kenijkatsa momachtiyayaj Biblia Charles Russell uan sekinok maseualmej?
¿Tijmajtoya?
Kemantika tijpatlatokej kej tijkuamachiliyayaj se keski tlamachtili. ¿Kenke tijpatlatokej? Pampa sanse kej kema ualkisa Tonati yolik tlanestiuala, toTeotsij nojkia yolik techpaleuijtiualajtok ma tijkuamachilikaj iTlajtol (xijpouakaj Proverbios 4:18). Maske tlen kiijtoua Biblia amo mopatla, kema nojua kuali tijkuamachiliaj, techpaleuia ma tijpatlakaj tlen achtouia tijneltokayayaj.
5. Tijchiuaj tlen kiijtosneki totoka
¿Kenke tijnejkej timotokaxtisej Jehová itlajtoltemakauaj? Xikitakaj nopa VIDEO uan xijnankilikaj ni tlajtlanili:
-
¿Kenke kinamiki timotokaxtisej Jehová itlajtoltemakauaj?
¿Kenke Jehová kintlapejpenijtok maseualmej ma elikaj itlajtoltemakauaj? Pampa miakej tlauel kiistlakauijtokej uan itlajtoltemakauaj kinextiskiaj Jehová eli toTeotsij tlen melauak. Ma tikitakaj ome istlakatili tlen kiijtouaj.
Sekij religiones tlamachtiaj moneki tijtekiuisej tlaixkopinkayomej kema tijueyichiuaj toTeotsij, ¿nelia tlen kiijtouaj? Xijpouakaj Levítico 26:1 uan xijnankilikaj ni tlajtlanili:
-
Kej kiijtoua ni versículo, ¿tlake tlamachtili eli melauak? ¿Kenijkatsa kinita toTeotsij tlaixkopinkayomej?
Se keskij katli tlayakanaj ipan religiones tlamachtiaj Jesús eli toTeotsij. ¿Nelia tlen kiijtouaj? Xijpouakaj Juan 20:17 uan xijnankilikaj ni tlajtlanili:
-
Kej kiijtoua ni versículo, ¿tlake tlamachtili eli melauak? ¿ToTeotsij uan Jesús elij sanse?
-
¿Kenijkatsa tijyolmati pampa Jehová kintitlani itlajtoltemakauaj ma tlamachtikaj tlen melauak tlen ya uan tlen iKone?
6. Nochi timoikneliaj
Biblia kiijtoua Cristo itokilijkauaj elij kejuak itlakayo se maseuali. Xijpouakaj 1 Corintios 12:25, 26 uan xijnankilikaj ni tlajtlanili:
-
¿Tlake moneki kichiuasej Cristo itokilijkauaj kema ininikniuaj tlaijiyouiaj?
-
¿Kenijkatsa tikitstok kinextiaj moikneliaj Jehová itlajtoltemakauaj?
Kema Jehová itlajtoltemakauaj tlaijiyouiaj, toikniuaj katli itstokej kampa ueli nimantsi kiitaj kenijkatsa kinpaleuisej. Tlaj inkinekij inkiitasej kenijkatsa mopaleuiaj, xikitakaj nopa VIDEO. Teipa xijnankilikaj ni tlajtlanili:
-
¿Timoiljuia Jehová itlajtoltemakauaj kinextiaj teikneliaj kema kinpaleuiaj ininikniuaj katli kintlasojsoljuilia se tlenijki? ¿Kenke kiampa timoiljuia?
Katli nelnelia elij Cristo itokilijkauaj kinextiaj teikneliaj kema kinpaleuiaj katli tlaijiyouiaj.
TLEN SEKINOK KIIJTOUAJ: “Jehová itlajtoltemakauaj elij se yankuik religión”.
-
¿Kema pejki Jehová kintokaxtia “itlajtoltemakauaj” katli kiueyichiuaj?
TLEN TIMOMACHTIJKEJ
Jehová itlajtoltemakauaj nelnelia elij Cristo itokilijkauaj. Nochi sansejko tijueyichiuaj Jehová maske kampa ueli tiitstokej, tlen tijneltokaj mokixtijtok ipan Biblia uan tikiniljuiaj sekinok ajkia nelnelia eli Jehová.
¿Tlake tijyekok?
-
¿Kenke tijtlapejpenijkej timotokaxtisej Jehová itlajtoltemakauaj?
-
¿Kenijkatsa tijnextiaj nelnelia timoikneliaj?
-
¿Timoiljuia Jehová itlajtoltemakauaj nelnelia kichiuaj tlen Jesús tlamachtik?
NOJKIA XIKITA NI
Xikita kenijkatsa pejki toreligión.
Xikita kenijkatsa Jehová itlajtoltemakauaj kinextijkej amo melauak se tlamachtili tlen miak religiones tlamachtiaj.
Xikita kenijkatsa monankilia se keski tlajtlanili tlen uelis tijneki tijmatis tlen Jehová itlajtoltemakauaj.
“Tlen kinekij kimatisej tlake kichiuaj Jehová itlajtoltemakauaj” (Tlaxeloli ipan jw.org)
Stephen tlauel kinkualankaitayaya katli euayayaj ipan sekinok altepemej, yeka kinchiuiliyaya tlen amo kuali. Xikita kenke kipatlak inemilis kema kiitak tlen kichiuaj Jehová itlajtoltemakauaj.
“Tlauel amo kuali nimonejnemiltiyaya” (Tlen Tematiltia, tlamachtili)
a Ipan xiuitl 1879, Jehová itlajtoltemakauaj pejkej kichijchiuaj nopa pilamochtsi Tlen Tematiltia tlen kiixtoma tlake tlamachtia Biblia.
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
