Jehová kineki ma tiyolpakikaj, yeka amo kenijki kiita tlaj kemantika tijchiuasej se iljuitl. Maske kineki ma timoyolpakiltikaj, ¿kuali kiita nochi iljuitl tlen mochiua? ¿Kenijkatsa uelis tijnextisej tikikneliaj uan amo tijnekij tijyolkokosej?

1. ¿Kenke Jehová amo kuali kiita se keski iljuitl?

Uelis ouij tijneltokas se keski iljuitl pejki mochiua pampa kinueyichiuayayaj sekinok teotsitsij o pampa kineltokaj tlen Biblia amo tlamachtia. Se keski tlen nopa iljuitl kichiuaj ipan religiones tlen amo melauak, mouika ika tlen kichiuaj tetlajchiuianij o kichiua maseualmej ma moiljuikaj tijpiaj se alma. Miakej maseualmej momajtokej kichiuaj se keski tlamantli pampa kineltokaj tlen amo melauak uan nojkia pampa moiljuiaj kiampa kinpanos tlen kuali (Isaías 65:11). Yeka nama tijmatij kenke Jehová kej ni kiniljuia itekipanojkauaj: “Ximoiyokatlalikaj. Amo xijnechkauikaj tlen axkuali tlen inijuantij kichiuaj” (2 Corintios 6:17). a

2. ¿Kenijkatsa kiita toTeotsij nopa iljuitl tlen ika kinuejkapantlaliaj maseualmej?

Jehová techiljuia amo ma tijchiuakaj kej maseualmej katli “motemachiaj ipan se tlakatl”, pampa nopa amo techpaleuis (xijpoua Jeremías 17:5). Sekij kiniljuichiuiliaj tekichiuanij, katli kimanauijkej se altepetl, tlen kiixnextia ininaltepe o iljuichiuaj kema se altepetl pejki iselti monauatia (1 Juan 5:21). Uan sekij kiniljuichiuiliaj políticos o katli kinekij kipatlasej se keski tlamantli. Tlaj tiuejkapantlalisej se akajya o maseualmej katli mosentikapaleuiaj o katli kinekij kichiuasej tlen toTeotsij amo kipaktia, ¿kenijkatsa timoiljuia kiyolmatiskia toTeotsij?

3. ¿Tlake tlamantli tlen mochiua ipan se iljuitl Jehová amo kuali kiita?

Biblia kiijtoua amo kuali kema se akajya tlauel moiuintia, tlauejchiua uan yaui “ipan iljuitl kampa tlauel” ontlai (1 Pedro 4:3). Ipan se keski iljuitl, maseualmej ayokmo kuali monejnemiltiaj uan san tlemach kichiuaj. Tlaj nojua tijnekij timouampojchijtosej iuaya Jehová, moneki amo tijchiuasej nopa tlamantli.

 KUALI XIMOMACHTI

 5. Xijchiua tlen kinpaleuis sekinok ma mitstlepanitakaj

6. Jehová kineki ma tiyolpakikaj

Jehová kineki ma timoyolpakiltikaj ininuaya tochampoyouaj uan touampoyouaj. Xijpouakaj Eclesiastés 8:15 uan xijnankilikaj ni tlajtlanili:

• ¿Kenijkatsa ni texto kinextia Jehová kineki ma tiyolpakikaj?

Jehová nojkia kineki itekipanojkauaj ma moyolpakiltikaj kema itstokej sansejko. Xikitakaj nopa VIDEO kampa nesi kenijkatsa moyolpakiltiaj toikniuaj ipan uejueyi tlanechikolistli kampa yauij tlen miakej altepemej.

Xijpouakaj Gálatas 6:10 uan xijnankilikaj ni tlajtlanili:

• ¿Moneki tiiljuichiuasej tlaj tijnekij tikinchiuilisej sekinok tlen kuali?

• ¿Ta kema mitspaktiskia titemakas se tlamantli: kema mochiua se iljuitl o ipan tlen ueli tonali kema ta tijnekis titemakas?

• Miakej Jehová itlajtoltemakauaj kinchiuiliaj se iljuitl ininkoneuaj ipan tlen ueli tonali uan kinmakaj se tlamantli. Tlaj ta tikinpia mokoneuaj, ¿tlake tlamantli uelis tijchiuas uan kiampa inijuantij yolpakisej?

 TLEN TIMOMACHTIJKEJ

Maske Jehová kineki ma timoyolpakiltikaj ika tochampoyouaj uan touampoyouaj, ya amo kineki ma tijchiuakaj iljuitl tlen amo kipaktia.

¿Tlake tijyekok?

• ¿Tlake tlajtlanili moneki timochiuilisej uan kiampa tijmatisej tlaj Jehová kuali kiita se iljuitl?

• ¿Kenijkatsa uelis tikinpaleuisej touikaljuaj uan touampoyouaj ma kikuamachilikaj kenke amo tijchiuaj se keski iljuitl?

• ¿Kenijkatsa tijmatij Jehová kineki ma timoyolpakiltikaj?