¿Tikilnamiki kemantika kenijkatsa kuali tijtekipanouayaya Jehová ininuaya toikniuaj? Uelis tikilnamiki se tlanechikoli, se ueyi tlanechikolistli, se tlamantli tlen mitspanok kema titlajtolmoyauayaya o kema tikamanaltiyaya iuaya se toikni... Nopa kiijtosneki amo tikilkajtok Jehová. Uan ya nojkia amo mitsilkajtok uan kiilnamiki kenijkatsa kuali tijtekipanouayaya. Yeka kineki mitspaleuis sampa xijtekipano.

Jehová mitsiljuia: “Nikintemoti noborregojuaj uan nikin[mokuitlauis]. Keja se kuali tlamokuitlauijketl mokuesoua ipampa iborregojuaj kema mokuapolouaj uan yaui kintemoti, na nikintemos notlakauaj tlen kampa ueli yajtokej uan [...] nikinkixtis tlen nochi nopa lugares kampa mosemantokej” (Ezequiel 34:11, 12).