Kema techtlajtolmakaj
Kema sekinok techtlajtolmakaj o techxitlauaj
¿Kenke moneki Biblia ma techtlajtolmaka?
Sl 32:8; Pr 15:22; 19:20; 20:18
Nojkia xikita Pr 11:14; Is 28:29; Jer 32:19.
¿Kenke moneki tijtlakakilisej se akajya kema techtlajtolmaka uan amo san timotechtisej?
Pr 12:15; 29:1
Nojkia xikita Pr 1:23-31; 15:31.
-
Tlapoualistli tlen nojkia tepaleuia:
-
1Sa 15:3, 9-23. Saúl pejki san motechtia kema teokamanalojketl Samuel kitlajtolmakak, yeka Jehová kitlauelkajki.
-
2Cr 25:14-16, 27. Amasías amo kitlakakilik se teokamanalojketl kema kitlajtolmakak, yeka Jehová kitlauelkajki.
-
¿Kenke moneki tikintlakakilisej katli techyakanaj kema techtlajtolmakaj?
1Te 5:12; 1Ti 5:17; Heb 13:7, 17
-
Tlapoualistli tlen nojkia tepaleuia:
-
3Jn 9, 10. Maske apóstol Juan ya eliyaya ueuentsi, kitlajtolmakak Diótrefes pampa amo kintlepanitayaya katli tlayakanayayaj ipan tlanechikoli.
-
¿Kenke moneki tikintlakakilisej katli ya uejueyij?
Le 19:32; Pr 16:31
Nojkia xikita Job 12:12; 32:7; Tit 2:3-5.
-
Tlapoualistli tlen nojkia tepaleuia:
-
1Sa 23:16-18. Tlanauatijketl David kuali kitlakakilik Jonatán maske kitlaniyaya se 30 xiuitl, tlen kiiljuik tlauel kiyolchikajki.
-
1Re 12:1-17. Tlanauatijketl Roboam (o Rehoboam) kipixki miak kuesoli pampa kintlakakilik katli ininuaya moskaltik uan amo katli kipiayayaj más xiuitl.
-
¿Tlake kinextia tlauel ipati kema techtlajtolmakaj katli kiixmatij Jehová maske elij siuamej o telpokamej?
Job 32:6, 9, 10; Pr 31:1, 10, 26; Ec 4:13
Nojkia xikita Sl 119:100.
-
Tlapoualistli tlen nojkia tepaleuia:
-
1Sa 25:14-35. Kema Abigail kitlajtolmakak David, kipaleuik amo ma tlajtlakolchiua yon ma mikikaj miakej maseualmej.
-
2Sa 20:15-22. Se siuatl katli euayaya altepetl Abel kinmanauik miakej maseualmej pampa kuali tetlajtolmakak.
-
2Re 5:1-14. Se siuapil israelejketl kitlajtolmakak se katli kinyakanayaya tlateuianij, yeka nopa tlakatl mochikajki tlen ikokolis.
-
¿Kenke amo kinamiki tikintlakakilisej kema techtlajtolmakaj katli amo kitlepanitaj Jehová yon iTlajtol?
Sl 1:1; Pr 4:14
Nojkia xikita Lu 6:39.
-
Tlapoualistli tlen nojkia tepaleuia:
-
1Cr 10:13, 14. Tlanauatijketl Saúl mijki pampa yajki kiitato se katli tetonalitayaya.
-
2Cr 22:2-5, 9. Tlanauatijketl Ocozías mijki pampa kintlakakilik katli amo kuali kitlajtolmakakej.
-
Job 21:7, 14-16. Job amo kintlakakilik katli amo kitlepanitayayaj Jehová.
-
Kema titetlajtolmakaj
¿Kenke amo kinamiki tikijtojtiuetsisej se tlenijki tlaj ayamo tikintlakakiliaj katli nelnelia kimatij tlen panok?
Pr 18:13, 17
Nojkia xikita Pr 25:8.
-
Tlapoualistli tlen nojkia tepaleuia:
-
1Sa 1:9-16. Sumo sacerdote Elí kiijtok Ana iuintitoya uan chikauak kitlajtolmakak pampa amo kimatiyaya tlake kuesoli kipixtoya.
-
Mt 16:21-23. Apóstol Pedro amo kuali kimatiyaya kenke Jesús tlaijiyouiskia, yeka kiiljuik ma kichiua se tlamantli tlen Satanás kipaktiskia uan amo Jehová.
-
¿Kenke moneki tikiljuisej Jehová ma techyakana kema titetlajtolmakasej?
Sl 32:8; 73:23, 24; Pr 3:5, 6
-
Tlapoualistli tlen nojkia tepaleuia:
-
Éx 3:13-18. Teokamanalojketl Moisés kiiljuik Jehová ma kipaleui kimatis tlake kiniljuis israeleuanij kema kipiaskiaj se tlaouijkayotl.
-
1Re 3:5-12. Jehová kiteochijki tlanauatijketl Salomón pampa kitlajtlanik tlalnamikilistli uan amo motemachik san ipan ya.
-
¿Kenke moneki tikitasej tlaj nelia timoyakanaj ika Biblia kema titetlajtolmakaj?
Sl 119:24, 105; Pr 19:21; 2Ti 3:16, 17
Nojkia xikita Dt 17:18-20.
-
Tlapoualistli tlen nojkia tepaleuia:
-
Mt 4:1-11. Kema Satanás kiyejyekok Jesús, ya kinankilik ika tlen kiijtoua itlajtol Dios uan amo san ika tlen moiljuiyaya.
-
Jn 12:49, 50. Moneki tijchiuasej kej Jesús pampa ya nochipa kinmachtik maseualmej tlen iTata kimachtijtoya.
-
Kema titetlajtolmakasej, ¿kenke moneki amo tikualanisej uan nojkia titeyolchikauasej?
Nojkia xikita Is 9:6; 42:1-3; Mt 11:28, 29.
-
Tlapoualistli tlen nojkia tepaleuia:
-
2Cr 19:2, 3. Jehová kitekiuik se teokamanalojketl para kitlajtolmakas Josafat (o Jehosafat), pero nojkia kiyolchikajki pampa kichijki tlen kuali.
-
Ap 2:1-4, 8, 9, 12-14, 18-20. Jesús achtoui kinyolchikajki katli itstoyaj ipan tlanechikoli, uan teipa kintlajtolmakak.
-
Tlaj se toikni techiljuia kikajkayajkej o kiistlakauijkej, ¿kenke moneki tikiljuisej ma mokamanaljui iuaya katli kiixpanok?
Nojkia xikita Le 19:17.
¿Kenke moneki tikiljuisej se toikni ma kitlasojtla, ma kipia iyolo uan ma kitlapojpoljui katli kiixpanok?
Mt 18:21, 22; Mr 11:25; Lu 6:36; Ef 4:32; Col 3:13
Nojkia xikita Mt 6:14; 1Co 6:1-8; 1Pe 3:8, 9.
-
Tlapoualistli tlen nojkia tepaleuia:
-
Mt 18:23-35. Jesús kiijtok se tlapoualistli kampa kiixtonki kenke moneki titetlapojpoljuisej.
-
¿Kenke moneki timoyakanasej ika tlen Biblia kiijtoua kema titetlajtolmakaj?
Sl 141:5; Pr 17:10; 2Co 7:8-11
-
Tlapoualistli tlen nojkia tepaleuia:
-
1Sa 15:23-29. Samuel amo majmajki kema kitlajtolmakak tlanauatijketl Saúl.
-
1Re 22:19-28. Maske tlanauatijketl Acab kikualankaitak Micaías (o Micaya) uan kiiljuik kipanoskia tlen amo kuali, ya amo majmajki uan kiijtok tlen Jehová kinauatijtoya.
-
¿Kenijkatsa uelis tijtlajtolmakasej se akajya uan amo tijchiuasej ayokmo kuali ma tlaneltoka?
-
Tlapoualistli tlen nojkia tepaleuia:
-
Lu 22:31-34. Jesús motemachiyaya ipan Pedro, yeka kiiljuik maske mokuapolouayaya, ueliskia kinyolchikauas sekinok.
-
Flm 21. Pablo motemachiyaya Filemón kichiuaskia tlen kiiljuik, pampa kikixtijtoya ipan itlajtol Dios.
-
¿Kenijkatsa uelis tikintlajtolmakasej ika tlaiknelili katli kipiaj kuesoli o moyolkokojtokej?
Col 3:12; Snt 5:14-16; 1Pe 3:8
¿Kenijkatsa uelis tikinpaleuisej katli tlajtlakolchijtokej tlaj kinekij sampa kuali mouikasej iuaya Jehová?
¿Kenijkatsa uelis tijnextisej titlatlepanitaj kema tijtlajtolmakasej se siuatl o se tlakatl maske amo kipia sanse toxiui?
Tlaj se toikni amo kineki kichiuas tlen Biblia kiijtoua, ¿kenke ueuejtlakamej moneki xitlauak kitlajtolmakasej?
Tlen nojkia mitspaktis tikitas
TLEN NECHMACHTIA BIBLIA
Se tlateuijketl uan se siuapil
Se siuapil israelejketl kiiljuik katli kitekipanouayaya kenijkatsa Jehová kipixtok miak chikaualistli. Teipa panok se tlamantli tlen tlauel ipati.
TLEN TIJCHIUAJ
Xitlajtlani ma mitspaxalokaj
Xijyeko tlake tlamachtia Biblia o kuali xikinixmati Jehová itlajtoltemakauaj.
