TLAMACHTILI 9
¿Kema mochiuas xochimili?
Nochi tlen amo kuali katli onka ipan Tlaltipaktli kinextia toTeotsij iTlanauatijkayo nechka tekichiuas (Lucas 21:10, 11; 2 Timoteo 3:1-5)
Biblia kiijtok onkaskia miak tlamantli ipan ni tonali. Kinextia maseualmej san kinekiskiaj kipiasej tomij, amo kintlepanitaskiaj inintatauaj, mosisiniskiaj uan kitemoskiaj san tlen ika mopakilismakaskiaj.
Nojkia kinextia onkaskia uejueyi tlauilankayotl, mayantli, miak kokolistli uan mojmoliniskia tlali. Ni tlamantli mochiua ipan ni tonali.
Jesús nojkia kiijtok nopa kuali tlamantli tlen toTeotsij iTlanauatijkayo kichiuas momoyauaskia ipan nochi Tlaltipaktli (Mateo 24:14).
ToTeotsij iTlanauatijkayo kitlamiltis nochi tlen amo kuali (2 Pedro 3:13)
Jehová nechka kintsontlamiltis nochi katli san tlemach tlachiuaj.
Satanás uan amo kuali ajakamej kintlatsakuiltisej.
Katli kineltokaj toTeotsij itstosej ininuaya katli kichiuaj tlen xitlauak. Ayokmo majmauisej, kuali itstosej uan moiknelisej. Nochi elisej temachmej.
Tlen nojkia mitspaktis tikitas
AMOCHTLI UAN PILAMOCHTSITSIJ
¿Tlake nopa toTeotsij iTlanauatijkayo?
Kema Jesús itstoya ipan Tlaltipaktli kinextik tlen kichiuas toTeotsij iTlanauatijkayo.
AMOCHTLI UAN PILAMOCHTSITSIJ
¿Asis se tonali kema ayokmo titlaijiyouisej?
Biblia kiijtoua toTeotsij kikualankaita tlen amo xitlauak, uan nojkia techiljuia kenijkatsa nelia kitekipachoua tlen kinpano maseualmej. ¿Kenijkatsa mitspaleuia tlen kiijtoua Biblia?
