XIKINMACHTI
TLAMACHTILI 11
Amo ouij xitlamachti
Biblia techtlajtolmaka: “[Tlaj] axinkiijtouaj tlajtoli tlen nochi uelis kimachilisej, [ . . . ] san tlapik inmotlajtol” (1 Cor. 14:9).
Tlen Jesús kichijki
1. Xikita nopa VIDEO o xijpoua Mateo 6:25-27. Teipa xijnankili ni tlajtlanili:
¿Tlake techmachtia tlen Jesús kichijki?
2. Tlaj tijtekiuiaj tlajtoli tlen amo ouij uan tlen nochi kikuamachiliaj, uajka maseualmej kiilnamikisej tlen tikinmachtisej uan asis ipan ininyolo.
Xijchiua kej Jesús
3. Amo tlauel xikamanalti. Maske tlauel timomachtijtok, amo xikixtomili miak tlamantli. San ximosentlali ipan nopa tlamachtili tlen uala ipan nopa amatlajkuiloli tlen ika tijmachtia. Kema tijtlatsintokis se tlamantli, xijpia moyolo uan xijchia ma mitsnankili. Uan tlaj amo ijki mitsnankilis o kiijtos se tlamantli tlen amo uala ipan Biblia, uajka xijchiuili sekinok tlajtlanili tlen kipaleuis kuali ma kikuamachili tlen tikixtomilia. Tlaj tikita ya kuali kikuamachilik, uajka xikixtomili nopa seyok punto.
4. Ika tlen ya kimati, xijpaleui ma kikuamachili yajyankuik tlamachtili. Se neskayotl: tlaj inkipeualtisej nopa tlamachtili kampa kiijtoua moyolkuisej katli miktokej, achtoui kualtiaskia tikompauis iuaya se keski tlamantli tlen ya momachtijtok, kej tlake kinpano katli mikij.
5. Kuali xijtlapejpeni tlake neskayotl tijtekiuis. Achtoui ximotlatsintoki: