KEMA TIJPEUALTIS TIJNOJNOTSAS
TLAMACHTILI 4
Amo ximoueyimati
Biblia techtlajtolmaka: “Sejse inmojuantij xikinitakaj nochi sekinok keja más [uejueyij]” (Filip. 2:3).
Tlen Pablo kichijki
1. Xikita nopa VIDEO o xijpoua Hechos 26:2, 3. Teipa xijnankili ni tlajtlanili:
-
a. ¿Kenijkatsa Pablo kinextik amo moueyimatiyaya kema kikamanaljuik tlanauatijketl Agripa?
-
e. ¿Kenijkatsa Pablo kichijki maseualmej ma mosentlalikaj ipan Jehová uan ipan iTlajtol, uan amo ipan ya? (Xikita Hechos 26:22).
¿Tlake techmachtia tlen Pablo kichijki?
2. Tlaj titenojnotsaj ika tlatlepanitakayotl uan amo timoueyimatij, maseualmej kinekisej techtlakakilisej.
Xijchiua kej Pablo
3. Amo xijnexti kejuak tlauel tiixtlamati. Amo xijnexti kejuak san ta tijmatiskia nochi uan nopa maseuali amo. Nochipa xijnojnotsa ika tlatlepanitakayotl.
4. Nochipa xijnexti tlen titlamachtia mokixtijtok ipan Biblia. Biblia eli toTeotsij iTlajtol, yeka asi ipan ininyolo maseualmej. Kema tijtekiuiaj, tikinpaleuiaj kuali ma tlaneltokakaj.
5. Kuali xitenojnotsa. Amo ximotochonchiua san pampa tijneki ma kineltokakaj tlen ta tijneltoka. Amo tijnekij timokamaijixnamikisej ininuaya sekinok. Tlaj amo timoueyimatis, uajka amo tikualanis uan mitspaleuis tijmatis kema monekis tijnauatijteuas (Prov. 17:14; Tit. 3:2). Tlaj amo tijkualankanankilia nopa maseuali, uelis teipa kena kinekis techtlakakilis.
