KEMA TIJPEUALTIS TIJNOJNOTSAS
TLAMACHTILI 5
Amo xiteyolkoko
Biblia techtlajtolmaka: “[Xikinkamanaljuikaj] ika yamanik uan ika yejyektsi” (Col. 4:6).
Tlen Pablo kichijki
1. Xikita nopa VIDEO o xijpoua Hechos 17:22, 23. Teipa xijnankili ni tlajtlanili:
-
a. ¿Kenijkatsa kiyolmatki Pablo kema kiitak ipan Atenas kinueyichiuayayaj miakej dioses? (Xikita Hechos 17:16).
-
e. ¿Kenijkatsa Pablo amo kinyolkokok katli itstoyaj Atenas kema kinkamanaljuik tlen nopa kuali tlamachtili?
¿Tlake techmachtia tlen Pablo kichijki?
2. Uelis maseualmej kuali techtlakakilisej tlaj kuali timoiljuiaj tlake tikijtosej, kenijkatsa tikijtosej se tlenijki uan kema tikijtosej.
Xijchiua kej Pablo
3. Kuali ximoiljui tlen tikijtos. Se neskayotl: tlaj tikamanaltis ika se akajya katli amo kiixmati Biblia o amo kimati ajkia eli Jesús, uelis monekis tikixtomilis ika sekinok tlajtoli uan amo tijkamanaljuis kej tijchiua ika sekinok.
4. Amo nimantsi xikiljui mokuapolojtok. Xijkaua nopa maseuali ma kiijto tlen moiljuia. Kema kiijtos se tlamantli tlen Biblia amo tlamachtia, amo xijkamaijixnamiki (Sant. 1:19). Tlaj kuali tijtlakakilis, uelis tijmatis tlake kineltoka uan kenke kineltoka (Prov. 20:5).
5. Kema kinamikis, xijtlaskamatili uan xikiljui kuali tlen kiijtok. Xikilnamiki uelis nopa maseuali moiljuia nelia melauak tlen kineltoka. Yeka, achtoui xikita tlake tlamantli sanse inkineltokaj uan ika yolik xijpaleuijti ma kikuamachili tlen Biblia nelia tlamachtia.
NOJKIA XIKITA
Prov. 25:15; 2 Tim. 2:23-26; 1 Ped. 3:15
