KEMA TIJPEUALTIS TIJNOJNOTSAS
TLAMACHTILI 6
Amo ximajmaui
Biblia techtlajtolmaka: “Toteko techpaleuis [ . . . ] tiinmechiljuisej itlajtol” (1 Tes. 2:2).
Tlen Jesús kichijki
1. Xikita nopa VIDEO o xijpoua Lucas 19:1-7. Teipa xijnankili ni tlajtlanili:
¿Tlake techmachtia tlen Jesús kichijki?
2. Moneki amo timajmauisej, kiampa uelis tikiniljuisej tlen melauak nochi maseualmej.
Xijchiua kej Jesús
3. Ximotemachi ipan Jehová. Ichikaualis toTeotsij kipaleuik Jesús ma tlajtolmoyaua, uan ta nojkia uelis mitspaleuis (Mat. 10:19, 20; Luc. 4:18). Xijtlajtlani Jehová ma mitspaleui tikinkamanaljuis katli uelis tikinmakasi (Hech. 4:29).
4. Amo xitechikoita. Kemantika ouij tijmatij tikinkamanaljuisej se keskij maseualmej pampa amo kuali kej nesij, pampa tlapijpiaj o amo, amo kuali monejnemiltiaj o pampa kineltokaj sekinok tlamantli. Kema kiampa mitspanos, xikilnamiki:
-
a. Jehová uan Jesús kena uelij kiitaj ininyolo maseualmej, uan tojuantij amo.
-
e. Amo ma timoiljuikaj Jehová amo kinamiki kipaleuis se akajya.
5. Amo ximajmaui uan xitlalnamiki (Mat. 10:16). Xitlatlepanita uan amo xitekamaijixnamiki. Tlaj tikita nopa maseuali amo kineki mitstlakakilis o timoiljuia uelis mitspanos tlen amo kuali, ika tlatlepanitakayotl xikiljui teipa inmokamanaljuisej (Prov. 17:14).
