SAMPA XIKINPAXALO
TLAMACHTILI 7
Xikinpaxalojtinemi
Biblia techtlajtolmaka: “Uan mojmostla nopa tlayolmelauanij tlamachtijtinenkej” (Hech. 5:42).
Tlen Pablo kichijki
1. Xikita nopa VIDEO o xijpoua Hechos 19:8-10. Teipa xijnankili ni tlajtlanili:
¿Tlake techmachtia tlen Pablo kichijki?
2. Moneki tijkixtisej tonali uan tijchiuasej se ueyi kampeka tlaj tijnekij sampa tikinpaxalosej maseualmej uan peuas tikinmachtisej.
Xijchiua kej Pablo
3. Xijpaxalo nopa maseuali kema kipias tonali. Ximotlatsintoki: “¿Kema uelis kamanaltis nouaya? ¿Kanke kipaktiskia ma timoitakaj?”. Xijchiua kampeka sampa tikitati maske uelis ipan nopa tonali o nopa hora tijmatis ouij.
4. Xijtlatsintoki kema uelis sampa tijpaxaloti. Kema nechka tias, xijtlatsintoki tlake tonali uan tlake hora uelis sampa tikitati. Uan nelia xia xikitati.
5. Nojua xijpaxalojto. Amo ximoiljui nopa maseuali amo kineki mitstlakakilis san pampa amo tijpantia o pampa tlauel motekiuijtok (1 Cor. 13:4, 7). Amo xijkaua nopa maseuali, nojua xijpaxalojtinemi. Uan nojkia kuali xijtekiui tonali (1 Cor. 9:26).
