Xijkualchijchiua moyolo. Kema timokualchijchiuas, ximoyoliljui kenke tlauel ipati tlen titlamachtis. Kuali ximomachti tlen tikixtomas, kiampa kema titlamachtis tijnextis tijneltoka tlen tikijtoua.

Ximoiljui ipan katli mitstlakakiliaj. Ximoiljui kenijkatsa tlauel kinpaleuis tlen tikiniljuis o tlen tijpouas. Ximoiljui kenijkatsa tikixtomas nopa tlamachtili, kiampa katli mitstlakakilisej kiitasej kenijkatsa kinpaleuis nopa tlamachtili uan kipatiitasej.

Xijchiua ma moyoliljuikaj ipan tlen tikinmachtia. Xikamanalti ika nochi moyolo. Xijnexti tlen tijyolmati; tlen tijnextis ipan moxayak uan kej timojmolinis ma mouika ika tlen titlamachtis.