Kuali ximokualchijchiua. Kuali ximomachti nopa tlamachtili, kiampa tijkuamachilis tlen tlauel pankisa uan tikitas kenijkatsa mokixtijtok ipan Biblia. Xijchiua kampeka tikixtomas san ika se keski tlajtoli. Ximoiljui kenijkatsa nopa tlamachtili kinpaleuis katli mitstlakakilisej. Xikiljui Jehová ma mitsmaka itonal.

Xijtekiui tlajtoli tlen kinextis tijneltoka tlen tikijtoua. Amo san xijpoua tlen eltok ipan amatlajkuiloli, xikixtoma ika motlajtol. Xijtekiui tlajtoli tlen kinextis nelia tijneltoka tlen tikijtoua.

Kej tikamanaltis ma kinexti tijneltoka tlen tikijtoua. Kema tikamanaltis, xijchiua kampeka nochi ma mitskakikaj. Ika tlatlepanitakayotl xikinixtlachili katli mitstlakakiliaj.