Xikinpaleui katli mitstlakakilisej ma kiitakaj tlake kinpoloua kichiuasej. Xijchiua tlajtlanili tlen kinpaleuis inijuantij ma kiitakaj tlake onka ipan inintlalnamikilis.

Ximotemachi katli mitstlakakiliaj kinekij kichiuasej tlen kuali. Xikinpaleui katli mitstlakakiliaj ma moiljuikaj kenke kinekij kichiuasej tlen kuali. Xikinpaleui ma kichiuakaj pampa kiikneliaj Jehová, kinikneliaj maseualmej uan pampa kiikneliaj tlen Biblia tlamachtia. Kuali xikinpaleui ma kikuamachilikaj nopa tlamachtili, amo xikinajua yon amo xikinpinaualti. Kema tijtlamiltis motlamachtil, katli mitstlakakilijkej moneki kuali kiyolmatisej uan kinekisej mosentlalisej kichiuasej tlen kuali.

Xikinpaleui ma moiljuikaj ipan Jehová. Xijpankixti kenijkatsa nopa tlamachtili uan Jehová itlanauatiljuaj techpaleuia ma tikixmatikaj toTeotsij uan technextilia ya tlauel techiknelia. Xikinpaleui ma moiljuikaj ipan tlen Jehová kiyolmati uan ma kinekikaj kiyolpakiltisej.