Ximomaijto uan kuali ximomachti. Xikiljui Jehová ma mitspaleui timosentlalis ipan nopa tlamachtili uan amo ipan ta. Xijkuamachili nopa tlamachtili tlen tlauel pankisa tlen tijneki tikixtomas. Kema tikixtomas, amo san xijpojtia nopa tlamachtili, xikijto ika motlajtol.

Xijnexti tlen tijyolmati. Ximoiljui kenke maseualmej moneki kimatisej nopa kuali tlamachtili. Ximoiljui ipan inijuantij. Tlaj kiampa tijchiuas, kej timoketsas, kej timojmolinis uan tlen nesis ipan moxayak kinextis melauak tlen tikijtoua uan titeiknelia.

Xikinixtlachili katli mitstlakakiliaj. Tlaj tikita kinamiki, xikinixtlachili katli tikinnojnotsa. Kema titlamachtis ipan tlanechikoli, amo san xitlachia kampa itstokej toikniuaj, kinamiki tikinixtlachilis, achtoui xikixtlachili se toikni, teipa seyok uan kiampa tijchijtias.