TLAMACHTILI 6
Kuali xikixtoma textos
Juan 10:33-36
TLEN MONEKI TIJCHIUAS: Kema tijpouas se texto, amo san xijpoua uan nimantsi xikixtoma seyok tlamachtili. Moneki tikitas tlaj katli mitstlakakiliaj kikuamachilijkej kenijkatsa nopa texto mouika ika nopa tlamachtili tlen tikinixtomilia.
¿KENIJKATSA TIJCHIUAS?
-
Xijpankixti nopa tlajtoli tlen tlauel ipati. Kema tijpouas se texto, xijpankixti nopa tlajtoli tlen kinpaleuis ma kikuamachilikaj nopa tlamachtili tlen tikixtoma. Uelis tikompauis nopa tlajtoli tlen tlauel pankisa o tikinchiuilis se tlajtlanili tlen kinpaleuis ma kikuamachilikaj tlake tijneki tijpankixtis.
-
Xijpankixti kenke tijpoua nopa texto. Tlaj tikijtos kenke tijpouas se texto, teipa xikixtoma kenijkatsa se keski tlajtoli tlen eltok ipan nopa texto kinextia kenke tijpojki.
-
Xikixtoma ika se keski tlajtoli. Amo xikijto tlamantli tlen amo mouika ika nopa tlamachtili tlen tikixtoma. Ximoiljui tlake tlamantli ya kimatij katli mitstlakakiliaj, kiampa tijmatis tlake tlamantli nojua moneki tikijtos uan kej nopa kikuamachilisej tlen tikixtoma.
