TLAMACHTILI 7
Xijtekiui tlamachtili tlen melauak uan temachtli
Lucas 1:3
TLEN MONEKI TIJCHIUAS: Xijtekiui tlamachtili tlen melauak, kiampa katli mitstlakakiliaj kuali kikuamachilisej nopa tlamachtili.
¿KENIJKATSA TIJCHIUAS?
-
Tlaj tijtemos sekinok tlamachtili, ma eli temachtli. Tlen tikijtos xijkixti ipan toTeotsij iTlajtol uan kema uelis nopaya xijpoua. Tlaj tikijtos tlen kichijtokej científicos, tlen namanok panotok, tlen kipanotok se akajya o seyok tlamantli, achtoui xikita tlaj melauak tlen tikijtos.
-
Kuali xijtekiui nopa tlamachtili. Kema tikixtomas se texto, xikilnamikto tlen ijkuilijtok ipan sekinok versículos, tlen Biblia tlamachtia uan tlen kiijtoua amatlajkuiloli tlen techmaka nopa “tlalnamijkatlatekipanojketl tlen nelia temachtli” (Mat. 24:45). Tlaj tijtemos sekinok tlamachtili, amo xijpatla yon xijpiuili tlen nopaya uala.
-
Xikinpaleui katli mitstlakakiliaj ininselti ma kikuamachilikaj tlen tikinmachtia. Kema tijpouas se texto o tikijtos tlen tijtemok sejkoyok, ika tlatlepanitakayotl xijchiua tlajtlanili o xikijto se neskayotl tlen kinpaleuis ininselti ma kikuamachilikaj tlen tijneki tikinmachtis.