Sejse xiuitl tlauel tiyolpakij pampa tijpiaj nopa ueyi tlanechikolistli tlen eyi tonali kampa tijseliaj kuajkuali tlamachtili. Ma tijchiuakaj se ueyi kampeka tikintlaneuisej maseualmej, kiampa kiitasej kenijkatsa Jehová tlauel techiknelia (Sl 34:8). Nochi ueuejtlakamej ipan tlanechikoli kiijtosej kenijkatsa momoyauas nopa amatl tlen ika titetlaneuisej.

• ¿Kema mochiuas ueyi tlanechikolistli?

• ¿Kema peuas titetlaneuisej?

• ¿Tlake tonali uan tlake hora timosentilisej kema titlajtolmoyauatij?

• ¿Tlake kuali tlamantli nimosentlalis nijchiuas kema titetlaneuisej?

• ¿Ajkia inijuantij nikintlaneuis?

Achtoui xijtlajpalo nopa maseuali, uan teipa uelis tikiljuis:

“Tikintlaneuij nochi maseualmej ma mosentilitij touaya ipan se ueyi tlanechikolistli tlen tijchiuasej. Ipan ni amatl kiijtoua kanke uan kema mochiuas. Tlauel techpaktiskia tlaj tiaskia”.

Maske tijnekij tikintlaneuisej miakej maseualmej kema mochiuas nopa ueyi tlanechikolistli, moneki sampa ma tikinpaxalokaj katli kuali techtlakakilijkej.

Sábados uan domingos uelis titemakasej se pilamochtsi uan se amatl tlen ika titetlaneuij.