Ipan pilamochtsi Tlen Tematiltia, marzo 2016 *, ipan iamayo 32 pejki mochiua se yankuik tlaxeloli tlen itoka: “¿Tlake kiijtoua Biblia?” uan kistias san kemantika. Ni tlaxeloli techpaleuis kema titlajtolmoyauasej. Kichijchijtokej kej nopa pilamatsitsij: kiualika se tlajtlanili, se texto katli kinankilia nopa tlajtlanili uan sekinok tlamachtili.

Miakej maseualmej peuaj tikinmachtiaj ika Biblia kema tikinnextiliaj se tlamachtili tlen kinekij kimatisej. Xijtekiui ni tlaxeloli uan kiampa uelis tikinpaleuis katli kinekij kimatisej tlen Biblia kiijtoua (Mt 5:6).

1. Xikiljui nopa maseuali ma mitsiljui kenijkatsa kinankiliskia nopa tlajtlanili tlen tijchiuilis.

2. Xijtlakakili uan xijtlaskamatili tlen mitsiljuis.

3. Xijpouili nopa texto katli eltok ipan nopa tlaxeloli “Tlen kiijtoua Biblia” uan xijtlajtlani tlake moiljuia. Tlaj amo tlauel motekiuijtok, xijpouili tlen kiijtoua nopa tlaxeloli: “¿Tlake sekinok tlamantli kiijtoua Biblia?”.

4. Xijmaka nopa pilamochtsi.

5. Xikiljui sampa tijpaxaloti uan tikixtomilis nopa seyok tlajtlanili.